Chalender d’occurrenzas
Di da fufragnar: studis da bachelor scolina e scola primara

Durant noss di da fufragnar avais Vus la pussaivladad unica da savurar atmosfera da scola auta. Co èsi da studegiar a la SAP dal Grischun? Co passa ina prelecziun? Co guarda il campus ora dad endadens? Quai ed anc dapli vesais Vus tar nus ils 16 da favrer 2022. Nizzegiai la chaschun ed As barattai persunalmain cun autras studentas ed auters students u tschentai Vossas dumondas a nossas docentas e noss docents ed a nossas manadras e noss manaders da studi. Interessads? Lura As annunziai anc oz. Ina participaziun online è medemamain pussaivla.

Data

16.02.2022

Temp

09:00 - 17:00

Lieu

Chur, Pädagogische Hochschule Graubünden

Organisatur

PH Graubünden

Numer da l‘occurrenza

2021.GA004

Public en mira

interessadas/interessads per ils studis da bachelor

Studis da bachelor

Studi da bachelor Scolina e scola primara (1. – 2.)

Vulais Vus promover ed accumpagnar uffants da la scolina fin en la 2. classa? Sco persuna d’instrucziun gidais Vus ils uffants da sa sviluppar tenor lur preferenzas. A la Scola auta da pedagogia dal Grischun emprendais Vus co elavurar cuntegns da maniera didactica e co stgaffir in’atmosfera positiva en stanza da scola.

ulteriuras infurmaziuns

Studi da bachelor Scola primara (1. – 6.)

Sco scolast/a dal stgalim primar instruis Vus uffants da l’emprima fin sisavla classa. Vus stgaffis chaschuns d’emprender cun las qualas las scolaras ed ils scolars pon sa sviluppar da maniera optimala. La Scola auta da pedagogia As prepara sin l’instrucziun en tut ils roms dal plan d’instrucziun e pussibilitescha d’applitgar models teoretics da maniera pratica.

ulteriuras infurmaziuns

Contact

Ihr Browser (IE 11) ist leider zu alt und wird nicht mehr unterstützt.