Sur da nus

Furmaziun professiunala

Avais Vus interess per lavurs da secretariat administrativas, per contabilitad e per la lavur en la partiziun da persunal? Lura essas al dretg lieu tar nus. Nus intermediain vastas abilitads per la carriera en biro – da maniera multifara e varianta. Vus lavurais en in team giuven e motivà.

Video

Vus avais:

• plaschair da contact e manieras orientadas a la clientella
• abilitads d’organisar ed in pensar cumplessiv
• discreziun e senn da responsabladad
• bunas abilitads linguisticas da s’exprimer
• flexibilitad ed abilitad da lavurar en ina gruppa
• plaschair da lavurar independentamain

Avais Vus interess per tecnologias e computer? Lura pudess la carriera sco informaticher/informaticra en direcziun da svilup d’applicaziuns esser la dretga decisiun. Vus absolvais ina furmaziun fundada en tut ils aspects dal svilup da software cun tecnologias e modas da proceder modernas. Vus lavurais en in team engaschà e giuven vi da projects da software.

Video

Vus avais:

• plaschair da lavurar cun umans e computers
• bunas prestaziuns da scola tant en ils roms da matematica sco er en ils roms linguistics
• in pensar logic ed in senn da visualisaziun abstract
• ina percepziun svelta, la prontadad e motivaziun d’emprender
• la prontadad da s’engaschar ed ideas

As fascinescha la lavur cun cudeschs e cun novas medias en ina biblioteca da scola auta? Lura è la lavur sco spezialist:a d’infurmaziun e da documentaziun gist il dretg per Vus. Qua survegnis Vus in’invista cumplessiva en tut las activitads d’ina biblioteca da scola auta plain vita ed absolvais plinavant praticums en ils champs archiv e documentaziun.

Video

Vus avais:

• interess per medias veglias e novas
• gust d’in manaschi viv e pretensius
• ina percepziun svelta, la prontadad e motivaziun d’emprender
• flexibilitad, la prontadad da s’engaschar ed ideas
• senn per l’urden e l’abilitad da lavurar da maniera exacta

La SAP dal Grischun As sustegna da frequentar la SMP. Nus As promovain uschia da pudair frequentar en il futur ina scola auta.

Vus As interessais per ina via spezialisada en il champ da las novas tecnologias e da l’informatica? Lura è la furmaziun sco spezialist dad ICT/spezialista dad ICT exact il dretg per Vus.

Nus purschain ina furmaziun fundada en las activitads multifaras dad ICT cun tecnologias e proceders moderns e Vus lavurais en in giuven team en il support ed en projects d’informatica interessants.

Vus avais:

• abilitad da lavurar en ina gruppa ed abilitad da communitgar
• plaschair da lavurar cun tecnica ed umans
• in pensar cumplessiv
• inschign tecnic ed interess
• capacitad da chapir svelt, prontadad e motivaziun d’emprender