Sur da nus
Frurmaziun professiunala

Far l’emprendissadi a la Scola auta da pedagogia dal Grischun? Natiralmain va quai! Tar nus na savais Vus betg be sa scolar e sa perfecziunar sco persuna d’instrucziun, dentant er absolver in emprendissadi en trais differentas professiuns.

Las professiuns cun emprendissadi

Vus pudais emprender las suandantas professiuns cun emprendissadi tar nus:

Commerziant:a AFQ

Avais Vus interess per lavurs da secretariat administrativas, per contabilitad e per la lavur en la partiziun da persunal? Lura essas al dretg lieu tar nus. Nus intermediain vastas abilitads per la carriera en biro – da maniera multifara e varianta. Vus lavurais en in team giuven e motivà.

Video

Vus avais:

  • plaschair da contact e manieras orientadas a la clientella
  • abilitads d’organisar ed in pensar cumplessiv
  • discreziun e senn da responsabladad
  • bunas abilitads linguisticas da s’exprimer
  • flexibilitad ed abilitad da lavurar en ina gruppa
  • plaschair da lavurar independentamain

Informaticher/informaticra en direcziun svilup d’applicaziuns AFQ

Avais Vus interess per tecnologias e computer? Lura pudess la carriera sco informaticher/informaticra en direcziun da svilup d’applicaziuns esser la dretga decisiun. Vus absolvais ina furmaziun fundada en tut ils aspects dal svilup da software cun tecnologias e modas da proceder modernas. Vus lavurais en in team engaschà e giuven vi da projects da software.

Video

Vus avais:

  • plaschair da lavurar cun umans e computers
  • bunas prestaziuns da scola tant en ils roms da matematica sco er en ils roms linguistics
  • in pensar logic ed in senn da visualisaziun abstract
  • ina percepziun svelta, la prontadad e motivaziun d’emprender
  • la prontadad da s’engaschar ed ideas

Spezialist:a d’infurmaziun e da documentaziun AFQ

As fascinescha la lavur cun cudeschs e cun novas medias en ina biblioteca da scola auta? Lura è la lavur sco spezialist:a d’infurmaziun e da documentaziun gist il dretg per Vus. Qua survegnis Vus in’invista cumplessiva en tut las activitads d’ina biblioteca da scola auta plain vita ed absolvais plinavant praticums en ils champs archiv e documentaziun.

Video

Vus avais:

  • interess per medias veglias e novas
  • gust d’in manaschi viv e pretensius
  • ina percepziun svelta, la prontadad e motivaziun d’emprender
  • flexibilitad, la prontadad da s’engaschar ed ideas
  • senn per l’urden e l’abilitad da lavurar da maniera exacta

Maturitad professiunala (SMP)

La SAP dal Grischun As sustegna da frequentar la SMP. Nus As promovain uschia da pudair frequentar en il futur ina scola auta.

Jau hai terminà cun success mes emprendissadi a la SAPGR sco emploiada da commerzi. Durant mes emprendissadi hai jau survegnì bleras bellas invistas en las differentas partiziuns ed hai dastgà collavurar cun collavuraturas e collavuraturs amicabels e gidaivels ed hai en quest connex emprendì bler dad els.

Carla Sigrist, anteriura emprendista

persunas da contact

Daniela Dietrich
Leiterin Personal
+41 81 354 03 16
daniela.dietrich@phgr.ch

Alain Horst
Furmatur professiunal informatica
+41 81 354 03 79
alain.horst@phgr.ch

Urs A. Grossenbacher
Manader da la mediateca
+41 81 354 03 81
urs.grossenbacher@phgr.ch


Annunzias

Vulais Vus As annunziar tar nus? Lura tramettai Vossa annunzia per e-mail cun in document da PDF a personalwesen@phgr.ch. L’annunzia duess cuntegnair ina brev da motivaziun, in curriculum vitae e las copias dals attestats. Plazzas d’emprendissadi libras il mument chattais Vus sin Lehrstellencheck.ch

Contact

Ihr Browser (IE 11) ist leider zu alt und wird nicht mehr unterstützt.