Incumbensa da la regenza

Nov med d'instrucziun «Civica»

La regenza dal chantun Grischun incumbensescha la Scola auta da pedagogia dal Grischun da realisar il project «Civica». «Civica» è in med d'instrucziun digital en trais linguas per il rom instrucziun civica sin il stgalim secundar II.

In med d'instrucziun triling per il rom instrucziun civica davart il Grischun sco era sia trilinguitad uffiziala e vivida van fitg bain a prà cun il giubileum «500 onns Stadi liber da las Trais Lias», che vegn festivà quest onn. Il med d'instrucziun cumpiglia plirs moduls e duai intermediar las enconuschientschas da basa davart il stadi svizzer e grischun. Uschia duai vegnir sveglià l'interess per la politica en general, per ils dretgs politics, per ils process politics e per uffizis politics.

Ils custs da quest project importan circa 1,71 milliuns francs.