Sensibilisaziun e conscienza
La SAP dal Grischun promova ina conscienza reflectada per la diversitad, l'egualitad da las schanzas e l’inclusiun e sensibilisescha per l'effect da stereotips, da pregiudizis e da discriminaziun.
Viver la diversitad
Promuovere la diversità – Chancen ermöglichen – Viver l'inclusiun
La SAP dal Grischun chapescha la diversitad sco resursa centrala per l'instrucziun, la perscrutaziun, la furmaziun supplementara, il servetsch e l'administraziun. La diversitad na vegn betg percepida sco sfida, mabain sco potenzial che vegn rendì accessibel grazia a structuras che garanteschan l'egualitad da las schanzas e grazia ad ina cultura universitara inclusiva.
Per la SAP dal Grischun na munta l'egualitad da las schanzas betg be da garantir in tractament egual formal, mabain da stgaffir da maniera activa cundiziuns da basa che tegnan quint da las differentas cundiziuns da partenza da tut las persunas che fan part da la scola auta. L'egualitad da las schanzas è la basa per che tut las commembras e tut ils commembers da la scola auta possian sa sviluppar e sa participar a l’instrucziun, la perscrutaziun, la furmaziun supplementara, il servetsch e l’administraziun.
Directivas da diversity
Communicaziun e cultura universitara
La SAP dal Grischun promova ina communicaziun sensibla areguard la diversitad ed inclusiva, creescha transparenza e sustegna uschia ina cultura universitara inclusiva che pledenta tut las gruppas socialas.
Direcziun inclusiva
La SAP dal Grischun viva ina cultura da direcziun inclusiva purtada da tut las persunas che fan part da la scola auta, vivida visiblamain da persunas da la direcziun ed orientada a las finamiras strategicas.
Nizzegiar la diversitad
La SAP dal Grischun stgaffescha cundiziuns per nizzegiar da maniera profitaivla la diversitad tar collavuraturas e collavuraturs sco era tar studentas e students.
Structuras e cumpatibilitad
La SAP dal Grischun reducescha pass per pass barrieras, sviluppa structuras inclusivas e sustegna la cumpatibilitad dal studi, da la professiun, da la tgira e da la vita privata.
Projects da diversity a la SAP dal Grischun
- Pgb project Diversity
Il project duai promover l'egualitad las schanzas quai che reguarda l’egualitad, la diversitad e l’inclusiun a la SAP dal Grischun. La gruppa da project sa cumpona da: Prof. dr. Silvia Deplazes, dr. Sog Yee Mok, dr. Bigna Sommer-Sutter, Claudia Priuli ed Arno Ulber. - Project migrationsgeschichte.ch
En il rom dal project èn vegnidas elavuradas materialias d'instrucziun davart l'istorgia da la migraziun en Svizra. Las materialias èn disponiblas libramain.
migrationsgeschichte.ch - Project da perscrutaziun FELMAS
En il project FELMAS è vegnì sviluppà in nov trenament che ha sustegnì mammas cun ina biografia da migraziun da promover meglier lur uffants en l’autoregulaziun. Il trenament è vegnì experimentà en Svizra ensemen cun famiglias cun ragischs tircas, albanaisas e portugaisas.
felmas.ch
Contact
