La SAP dal Grischun festivescha l’onn 2023 ses giubileum da 20 onns. Dapi il temp da fundaziun ha nossa scola auta promovì ed influenzà en moda singulara l’instrucziun e l’emprender en il Grischun cun sias purschidas da furmaziun e cun sias activitads da perscrutaziun. Nus ans legrain da passentar e da festivar cun Vus quest onn spezial cun differentas activitads e rapports.
Il rectur prof. dr. Gian-Paolo Curcio davart ils muments decisivs da la Scola auta da pedagogia dal Grischun, davart la significaziun dal motto da giubileum e davart las sfidas dal futur.
La furmaziun e la furmaziun cuntinuada da las persunas d’instrucziun han ina gronda relevanza sociala. Cun lur lavur quotidiana influenzeschan ellas las biografias da las persunas ed uschia da nossa societad da damaun. Ellas contribueschan considerablamain da cuntanscher la finamira 4 da las Naziuns unidas “Ina furmaziun d’auta qualitad per tuts” (Sustainable Development Goal SDG).
Ina furmaziun d’auta qualitad ed equivalenta creescha schanzas, promova il svilup persunal e porscha a persunas giuvnas u veglias novas perspectivas per il futur. Ella è la basa per l’innovaziun e per in svilup persistent e fa part da nossa DNA, per quai ans engaschain nus di per di.
“Ina furmaziun d’auta qualitad per tuts”: En connex cun noss motto da giubileum, avain nus publitgà quest onn sin nossa pagina d’internet e sin noss chanals da communicaziun istorgias interessantas dal mund da nossa scola auta da pedagogia. Ina survista.
Hansi Kessler, guid da muntogna, alpinist extrem e docent da sport a la SAP dal Grischun, ha traversà la paraid dal nord da l’Eiger ed è stà al Mount Everest. In discurs davart la fascinaziun da l’alpinissem, la confruntaziun cun la tema e la fortuna da surmuntar agens cunfins. (maletg da titel: Hansi Kessler sin il terz champ da glatsch da la paraid dal nord da l’Eiger, fotograf: Robert Bösch)
ulteriuras infurmaziuns
"Senza musica fiss la vita in errur", uschia Friedrich Nietzsche. Musica è omnipreschenta en il mintgadi. Ella è in enritgiment, però er ina sfida, sch'ella vegn natiers en furma da canera e ramurs quotidianas. Savair far questa differenziaziun tutga tar las cumpetenzas che duain avair tant scolaras e scolars sco er (futuras) persunas d'instrucziun. In discurs davart musica – cun la docenta da musica Cornelia Meier e cun ils magisters instrumentals Christian Cantieni e Frieder Torp. Da Franca Caspani
ulteriuras infurmaziuns
Prof. Dr. Dennis Komm è dapi l'onn 2022 professer extraordinari a la SPF da Turitg per algoritmus e didactica sco era manader da la scolaziun CAS Informatica e didactica d'informatica che vegn purschida cuminaivlamain da la SAP dal Grischun e da la SPF da Turitg. Ses interess da la perscrutaziun includan la projectaziun e l'analisa d'algoritmus sco era la scolaziun d'informatica. En l'intervista gughegia el da dar in sguard sin la scola da l'avegnir ed explitgescha strategias d'agir pussaivlas, co che scolas e persunas d'instrucziun pon sa preparar proactivamain per il mund da damaun.
ulteriuras infurmaziuns
Jenny Muggli e Tonio Wyler absolvan a la SAP dal Grischun il segund onn dal studi da bachelor Scola primara. Ils dus students raquintan tge che ha intimà els da bandunar la professiun sco flight attendant e da daventar scolast:a.
ulteriuras infurmaziuns
In ferm sistem da furmaziun public è ina da las pitgas fundamentalas da societads democraticas. Ma il sistem da furmaziun n'è betg ina structura fixa. La dumonda urgenta è perquai: En tge direcziun duai noss sistem da furmaziun sa sviluppar vinavant en l’avegnir? Questa dumonda è stada en il center da l'exposiziun ambulanta "Schule. Experiment Zukunft" dal Museum da scola da Berna. Il favrer 2023 èn 170 represchentantas e represchentants da la politica, da l'economia e da la furmaziun sa confruntads cun questa dumonda en ina discussiun da diversas perspectivas.
ulteriuras infurmaziuns
Il Grischun Ivo Orlik, era enconuschent sco rapper Giganto, ha publitgà quatter albums da musica, ha dà dapli che 100 concerts ed ha cuntantschì il 5avel plaz da la parada da hits da la Svizra. Cun dapli che 1 milliun streams sin Spotify e youtube tutgan ses texts tar ils songs rumantschs cun il pli grond success. Uss è el a la Scola auta da pedagogia dal Grischun e frequenta il studi sco scolast primar. Lilian Ladner ha fatg in’intervista cun el.
ulteriuras infurmaziuns
L’engaschi persistent è ina part impurtanta da la responsabladad da nossa scola auta. I va per dapli che da sviluppar vinavant il lieu da furmaziun. Era studentas e students sa stentan da promover la persistenza sin differents champs. Conscientamain: Pertge che sco persunas d'instrucziun influenzeschan ellas las generaziuns vegnintas e las sensibiliseschan per las sfidas socialas, ecologicas ed economicas dal futur.
ulteriuras infurmaziuns
Mintgina e mintgin ama Cuira en sia moda. Ina decleraziun d’amur per la citad alpina e da studi. Da prof. dr. Vincenzo Todisco
ulteriuras infurmaziuns
Il viadi professiunal impressiunant da Gianmarco Corsetto reflectescha, sper il svilup persunal, era la midada da la cuntrada da furmaziun en Svizra. Dal cumenzament sco miradur sur la lavur sco scolast fin al post sco manader da scola: la carriera da Corsetto na stat betg mo per ambiziuns individualas, mabain per las pussaivladads che sa porschan per las persunas d'instrucziun tras furmaziuns supplementaras e tras in svilup differenzià da la carriera.
ulteriuras infurmaziunsIl giubileum da 20 onns vegn festivà durant l’entir onn cun differentas acziuns. Trais differentas acziuns èn planisadas u vegnan gia realisadas.
Per il giubileum da 20 onns da la SAP dal Grischun vulain nus organisar inscunters ed engraziar a la populaziun. A chaschun da la festa d’advent il december 2022 ha la SAP dal Grischun perquai fatg ina concurrenza ed elegì 20 famiglias che pon far diever da l’agid gratuit per far ils pensums da chasa. Studentas e students da la SAP dal Grischun (1. e 2. onn da studi) dattan uras privatas a scolaras e scolars, als gidan e motiveschan da far ils pensums ed als preparan a moda optimala per ils examens.
La publicaziun da giubileum descriva l’istorgia da la SAP dal Grischun davent da la fasa da fundaziun fin oz. A pled vegnan anteriurs recturs sco er il rectur en uffizi, presidents dal cussegl da la scola auta e persunas che han contribuì al svilup da la SAP dal Grischun. Ils testimonials mussan ultra da quai, co che la SAP dal Grischun vegn percepida en la publicitad.
Il 1. da settember 2023 è il giubileum da 20 onns da la Scola auta da pedagogia dal Grischun vegnì celebrà cun ina festa.
Per mai è la SAP dal Grischun ina instituziun da savida e da perscrutaziun ch’è relevanta per il chantun Grischun, in promotur da cumpetenzas per la trilinguitad da noss chantun, la spina dorsala dal lieu da furmaziun Grischun.
La Scola auta da pedagogia festivescha ses 20avel anniversari. Ensemen cun 275 osps envidads ha ella dà ier en in rom festiv in sguard enavos sin sia istorgia e gughegià in sguard en il futur da la furmaziun da scolastas e scolasts. Per ina retrospectiva ed ina prospectiva vai er en la publicaziun festiva "Ina furmaziun d'auta qualitad per tuts". L'ovra da 144 paginas sa drizza a tuts ch’èn s’occupads da l'istorgia da la SAP dal Grischun e da la furmaziun da las persunas d'instrucziun en Svizra. Per engraziar a la societad, ha la SAP dal Grischun intermedià durant l'onn da giubileum ad uffants da 20 famiglias durant in semester agid da far ils pensums.
ulteriuras infurmaziuns
La SAP dal Grischun festivescha ses 20avel anniversari. Il 1. da settember 2023 ha gì lieu la festa uffiziala.
ulteriuras infurmaziuns
La publicaziun festiva per il giubileum da 20 onns da la Scola auta da pedagogia dal Grischun è in ulteriur punct culminant durant l'onn da giubileum. L'ovra da 144 paginas na tracta betg be l'istorgia da la scola auta. El serra cun in sguard vers il futur e cun in quint da model che skizzescha ina varianta da la furmaziun da scolastas e scolasts enturn il 2035.
ulteriuras infurmaziuns
Persunalitads da la scienza, da l'economia e da la politica da furmaziun preschentan differents aspects da la furmaziun da scolastas e scolasts e mussan co che la SAP dal Grischun vegn percepida en la publicitad.
ulteriuras infurmaziuns
Lilian Ladner en il discurs cun prof. dr. Gian-Paolo Curcio, rectur da la SAP dal Grischun, per il 20avel giubileum da la SAP dal Grischun.
ulteriuras infurmaziuns
L’onn 2023 festivescha la SAP dal Grischun ses 20avel anniversari. Quest’occasiun duai dar la pussaivladad da sa scuntrar e d’engraziar a la populaziun. Sco engraziament tira la Scola auta da pedagogia la sort e surdat a ventg famiglias agid gratuit per far ils pensums; cumplainamain tenor il motto da giubileum "Furmaziun d’auta qualitad per tuts". Studentas e students porschan quest agid per far ils pensums che sa cumpona da duas lecziuns ad emna davent dal schaner fin il zercladur 2023.
ulteriuras infurmaziunsIhr Browser (IE 11) ist leider zu alt und wird nicht mehr unterstützt.