Campus (purschidas per studentas e students)
AVANTATGS

Studentas e students, collavuraturas e collavuraturs profiteschan da differents avantatgs da la Scola auta da pedagogia dal Grischun e da las purschidas da divers partenaris – quai en ils secturs sport, tecnica, mobilitad fin a l’alimentaziun. Nus augmentain cuntinuadamain la purschida.

Las reducziuns

Sco student:a pudais profitar dad avantatgs en differents secturs:

Biblioteca

La SAP dal Grischun dispona d’ina biblioteca moderna e bain equipada cun ina vasta purschida. Questa purschida è natiralmain gratuita per tut las studentas ed ils students. Ulteriurs detagls e descripziuns chattais sin la pagina da la biblioteca sut il suandant link (Link Bibliothek einfügen).

Biblioteca

Software e hardware

Durant il studi As mettain nus a disposiziun gratuitamain Microsoft Office. En collavuraziun cun Brack e Neptun purschain nus plinavant notebooks ed autra hardware per in pretsch attractiv.

Emprest d’apparats e support d’informatica

Profitai sco student:a e sco collavuratur:a da noss emprest da multimedia. Vus pudais reservar ed emprestar cameras da fotografar e da video, apparats da registrar audios, tablets ed ulteriurs apparats sco er ils accessoris correspundents. Sin dumonda accumpogna Il support dad IT l’emprest e dat era curtas introducziuns co utilisar ils apparats.

Emprest d`apparats e support d`informatica

Sport

La SAP dal Grischun e la FH Grischun han ina vasta purschida da sport. Plinavant avain nus sin noss areal, sper noss implants da sport, in’atgna stanza da fitness, ina halla da sport ed ina plazza da ballape ed ina da ballabasket.

sport

En partenadi cun noss purschider da fitness BaseFit pudais Vus sco student:a trenar gratuitamain ed en l’entira Svizra en ils studios da BaseFit.

Alimentaziun

Sin il campus da la SAP dal Grischun hai la pussaivladad da sa nutrir en il restaurant Scaläratreff u en ils differents locals da cuminanza.

Locals da cuminanza

Nizzegiai ils differents locals ordaifer l’instrucziun. Tut tenor basegn èn quests endrizzads u sco plazs da lavur, u sco plaz patgific u era sco plaz per mangiar.

Reservaziun da stanzas

Ordaifer ils temps d’instrucziun pudais Vus nizzegiar libramain las stanzas d’instrucziun suenter ina reservaziun online.

Reservaziun da stanzas

 

Meds da transport

Cun in abo da carsharing per students pudais Vus utilisar facilmain ils dus autos d’emprest sin l’areal. Actualmain purschain nus in auto electric, proximamain midain nus sin 100% autos electrics. La staziun per chargiar stat era a disposiziun per agens autos electrics.

La Stadtbus Chur AG As dat in rabat da 20 % sin tut ils viadis, sche Vus mussais la carta da students.

Parcadis da velo

Tar nossa scola auta – che ha en mira la persistenza – datti avunda parcadis da velo gratuits.

Ihr Browser (IE 11) ist leider zu alt und wird nicht mehr unterstützt.