Cumpetenza linguistica

Examen intern da linguas estras

La premissa per l’admissiun è il resultat d’in examen linguistic extern sin nivel C1 per l’emprima lingua estra u B2 per la segunda lingua estra. Il dumber total dals puncts cuntanschids da l’examen linguistic extern sto cumpigliar almain 90% dal dumber minimal ch’è necessari per cumprovar la cumpetenza linguistica. Quai vul dir che la cumprova da tut las abilitads sto vegnir inoltrada. Sch’in examen extern pretenda per exempel 180 puncts per reussir, ston ins cuntanscher almain 162 puncts per vegnir admess a l’examen intern da linguas estras.

L’examen s’orientescha tenor las quatter abilitads linguisticas “tadlar, leger, scriver, discurrer”. Il champ da la grammatica (p.ex. tar l’englais “Use of English”) vegn integrà en las abilitads “leger” e “scriver”. Tar il “discurrer” vegn distinguì tranter il discurrer monologic e dialogic.

Ils suandants formats d'incumbensas èn pussaivels: 

L’examen sto vegnir absolvì en quellas abilitads linguisticas ch’avevan in resultat nunsuffizient en l’examen linguistic extern. I vegn però examinà almain duas abilitads. Sche be in’abilitad era nunsuffizienta, elegia la candidata/il candidat in’abilitad supplementara che duai vegnir examinada. Candidatas e candidats che na ston betg laschar examinar tut las abilitads cun il resultat da certificat inoltrà, pon er eleger dapli che las abilitads obligatoricas per l’examen. Els pon eleger in’abilitad en la quala els han fatg in bun resultat en l’examen da certificat per augmentar las schanzas sin in resultat total suffizient.

En cas ch’ils resultats da “Use of English” en ils examens da Cambridge eran nunsuffizients, ston las abilitads “leger e scriver” vegnir examinadas. Era sche las abilitads “Reading” resp. “Writing” eran suffizientas en l’examen da Cambridge.

L'examen po vegnir repetì en cas da nunreussida. Sche l’examen vegn absolvì cun success, vegn la cumpetenza linguistica renconuschida. Questa renconuschientscha vala be intern ed i na dat nagin certificat uffizial.

L’examen vegn valità cun puncts. Per che l’entir examen valia sco reussì, ston almain 60% dals puncts pussaivels vegnir cuntanschids. En las singulas parts da l’examen ston vegnir cuntanschids almain 40% dals puncts.

Suenter la scadenza dal termin d'annunzia vegnan las persunas annunziadas infurmadas davart la participaziun definitiva.

La copia dal certificat u dals certificats (tar examens modulars da Goethe) ed indicaziuns davart las abilitads giavischadas ston vegnir inoltradas a la  stabsstellesprachen@phgr.ch.  

Ulteriuras infurmaziuns en connex cun l'examen intern linguas estras dat il post da stab per linguas da la SAP dal Grischun.