La Scola auta da pedagogia dal Grischun (SAPGR) As prepara per Voss futur professiunal sco persuna d’instrucziun cun in studi d’emprima qualitad. Ils diploms da bachelor renconuschids en tut la Svizra As avran las meglras schanzas sin il martgà da lavur.
Vulais Vus lavurar en il futur cun uffants e giuvenils ed avair la pussaivladad crear, mover e realisar bler en Voss ambient professiunal? Alura As laschai scolar sco persuna d’instrucziun da scolina u da scola primara en in studi a temp parzial u a temp cumplain. Sin Vus spetga in ambient pluriling, in studi orientà a la perscrutaziun ed a la scienza en in’atmosfera persunala.
Vulais Vus daventar scolast:a e promover ed accumpagnar uffants da la scolina fin en la segunda classa? Sco persuna d’instrucziun gidais Vus ils uffants da sa sviluppar tenor lur preferenzas. A la Scola auta da pedagogia dal Grischun (SAPGR) emprendais Vus co elavurar cuntegns da maniera didactica e co stgaffir in’atmosfera positiva en stanza da scola.
ulteriuras infurmaziuns
Daventai scolast:a per la scola primara ed accumpagnai uffants da l’emprima fin sisavla classa. Vus stgaffis chaschuns d’emprender cun las qualas las scolaras ed ils scolars pon sa sviluppar da maniera optimala. La Scola auta da pedagogia (SAPGR) As prepara sin l’instrucziun en tut ils roms dal plan d’instrucziun e pussibilitescha d’applitgar models teoretics da maniera pratica.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.