Lieu da l'occurrenza
L'occurrenza ha lieu en il Kaffee Klatsch a Cuira, directamain sper la biblioteca da la citad.
Ciclus d'occurrenzas
Café scientific Grischun: "Resilienza: La sfida d'equilibrar ristgas e da dumagnar crisas a moda productiva"
Data
07.11.2024
Temp
18:30 - 20:00
Lieu
Kaffee Klatsch, Gäuggelistrasse 1, Chur
Organisatur
Pädagogische Hochschule Graubünden
Cuntegn dal program
Savens nunspetgadamain e per il pli profundamain tutgan crisas l’existenza umana. Da vegnir tschiffà d’ina crisa po manar a la perdita dal senn ed ad ina nunpussanza d’agir. E quai na vala betg be per creschids, mabain per umans da tut las vegliadetgnas. Ils umans pon però vegnir tras insaco en l’experientscha da crisa. Els sa mussan resilients. Quai è in bun messadi. Ma tuttina vali da guardar precisamain, cura ch’i vegn discurrì da resilienza. Igl è numnadamain imaginabel ch’ils umans n’han betg success en lur cumportament da crisa, malgrà resilienza. Ensemen cun las participantas ed ils participants discutain nus tge che resilienza è e tge ch'ella munta en la psicologia dal svilup e pedagogicamain, respectivamain nua ch'ins vesa forsa era cunfins dal concept.
Participantas e participants dal podium
- Prof. dr. Albert Düggeli, prorectur perscrutaziun e svilup SAP dal Grischun
- Benjamin Krexa, schefpsicolog e commember da la direcziun dals Servetschs psichiatrics dal Grischun (PDGR)
- Giuseppe Palaia, scolast da classa da la classa timeout dals stgalim secundar I a Cuira
La SAP dal Grischun sco organisatura dal Cafè scientific dals 7 da november 2024 sa legra da blers giasts che discuteschan e gidan a reflectar. Tut las persunas interessadas èn cordialmain envidadas!
Public en mira
Occurrenza publica
Ciclus d’occurrenzas Café scientific Grischun
Cafés èn gia adina stads lieus d'inscunter bainvis per discutar davart fatgs actuals e per barattar opiniuns. Senza referats e podium discuteschan expertas ed experts cun il public davart temas scientifics d’impurtanza particulara per il Grischun.
I sa tracta d'in discurs avert tranter tut las participantas ed ils participants. L'entrada è libra.
Inizianta e coordinatura
Il ciclus d'occurrenzas cun cafés scientifics, iniziada da la Fundaziun Science et Cité en divers lieus da scolas autas en Svizra, vulan pussibilitar a la populaziun il barat persunal cun las scienzas natiralas e cun las scienziadas ed ils scienziads da differents champs – cun la finamira da reducir las barrieras tranter la perscrutaziun a las scolas autas e la populaziun. En il barat direct daventa evident il niz general da la perscrutaziun en scolas autas ed en instituts da perscrutaziun. La colliaziun tranter il mintgadi ed ils resultats da la scienza daventa evidenta. Il ciclus d' occurrenzas vegn coordinà da l'Academia Raetica, da l'associaziun per promover la scienza, la perscrutaziun e la furmaziun en il chantun Grischun e ses conturn.
Professura Scienzas d'educaziun
Tge facturs cognitivs, metacognitivs, motivaziunals ed emoziunals influenzeschan ils process d’emprender? Co pon persunas d’instrucziun e scolas sustegnair da maniera optimala ils process d'emprender da tut las scolaras e da tut ils scolars? En la professura per scienzas d’educaziun s'occupain nus da dumondas e sfidas actualas en la cuntrada da furmaziun svizra e grischuna. Las enconuschientschas acquistadas vegnan transferidas en la pratica da scola tras purschidas en la furmaziun e furmaziun cuntinuada da scolastas e da scolasts.
ulteriuras infurmaziunsContact
Leiterin Kommunikation & Marketing