Professura
Didactica da la matematica
La professura per didactica da la matematica e la gruppa da lavur MINT s’engaschan per l’instrucziun e la perscrutaziun da matematica ed informatica. Las commembras ed ils commembers da la gruppa sa participeschan a differents moduls da matematica e d’informatica e porschan ultra da quai regularmain furmaziuns supplementaras. La perscrutaziun metta l’accent sin dumondas scientificas actualas davart l’instrucziun e l’emprender cun meds da matematica digitals e davart lieus d’emprender da MINT ordaifer la scola. Quai includa er il svilup e l’examinaziun d’ambients d’emprender digitals per l'instrucziun.
Manader da la professura
Accents da lavur
- Instruir ed emprender cun meds digitals da matematica
- Emprender cun perscrutar e scuvrir en lieus d’emprender da MINT ordaifer la scola
- Experiments matematics en lieus d’emprender scolastics ed ordaifer la scola
- Sviluppar ed experimentar ambients d’emprender digitals
Projects specifics
i-CAMPs Kids
Programmar, giugar, cuminanza: Ils i-CAMPs GR Kids intermedieschan cumpetenzas che uffants e giuvenils (3. fin 9. classa) dovran per il futur. Las participantas ed ils participants han la chaschun da fufragnar en il mund da programmar, da rimnar experientschas impurtantas e da scuvrir novas chaussas. Programmar e tschertgar atgnas schliaziuns, quai fa plaschair.
Emna da MINT dal Grischun
Durant l’emna da MINT dal Grischun collavuran emprendistas ed emprendists dad interpresas grischunas stretgamain cun studentas e students da la SAP dal Grischun e cun persunas d’instrucziun versadas. Els entusiasmeschan uffants e giuvenils per lavurs praticas, els programmeschan e construeschan ed instrueschan els communablamain en il manaschi al lieu. Scolaras e scolars primars da la 3. fin 6. classa han la pussaivladad da schlargiar lur cumpetenzas da MINT e da rimnar preziusas experientschas praticas.
First Lego League
Dapi 2008 sustegna la SAP dal Grischun ensemen cun la EMS Schiers e cun la FH Grischun il program da promoziun MINT «First Lego League» che vegn realisà internaziunalmain. La FLL è in program da promoziun che famigliarisescha uffants e giuvenils en in’atmosfera sportiva cun scienza e tecnologia, ch’als facilitescha l’access a roms da las scienzas natiralas e che sveglia a temp l’interess per professiuns d’inschigner u d’IT. Uffants e giuvenils vegnan uschia entusiasmads per scienza e tecnologia, vivan l’idea dal spiert da gruppa e vegnan animads da chattar schliaziuns creativas grazia ad incumbensas cumplexas.
Center da perscrutaziun da matematica per scolaras e scolars
Il center da perscrutaziun da matematica per scolaras e scolars cun utensils digitals. Evaluaziun scientifica d'in project per promover MINT. Direcziun dal project, 2016-2024, partenari da cooperaziun en Germania: Dr. Dr. Christina Walther, witelo e.V., finanziaziun: Stiftung für Technologie, Innovation und Forschung Thüringen (STIFT), https://mintthueringen.de/schuelerforschungszentrum/jena/
Publicaziuns specificas
Solid Geometry Modeling: 3D Printing Is Not Always the Best Option (2025)
Müller, M., Weißing, B., Lütscher, P. (2025). Solid Geometry Modeling: 3D Printing Is Not Always the Best Option. In: Fernau, H., Schwank, I., Staub, J. (Hrsg.) Creative Mathematical Sciences Communication. CMSC 2024. Lecture Notes in Computer Science, vol 15229. Springer, Cham. https://doi.org/10.1007/978-3-031-73257-7_7
Analysis der Trassierung erkunden (2024)
Müller, M. (2024a). Analysis der Trassierung erkunden. Modellierung eines 90°-Trassierungselements. Mathematik lehren, 8 (245), 28-38.
Erste Schritte in der App-Entwicklung (2024)
Klaus, J., Schenk, C. U., Reinhardt, S., Müller, M. (2024). Erste Schritte in der App-Entwicklung. Eine Unterrichtsreihe des Sommercamp Informatik zum MIT App Inventor 2. MNU Journal, 5 (77).
Entdecken durch Problemlösen (2024)
Müller, M. (2024b). Entdecken durch Problemlösen. Eine qualitative Analyse zweier digitaler Lernumgebungen. Mathematikunterricht, 4 (70), 24-33.
Team
Parvaneh (Atefeh) Babari, Dr.
Gruppa da lavur MINT
La gruppa da lavur da MINT da la SAP dal Grischun ha la finamira che persunas d’instrucziun vegnentas e cun experientscha enconuschan las novas tecnologias, las pon applitgar e duvrar en l’instrucziun. Las persunas d'instrucziun vegnan entusiasmadas per cuntegns da MINT ed èn alura ablas da promover questas cumpetenzas da lur scolaras e scolars da maniera effectiva.
Projects da MINT
Cun la promoziun da MINT prenda la Scola auta da pedagogia dal Grischun en mira che persunas d’instrucziun futuras sco era talas cun experientscha enconuschan las novas tecnologias, las san applitgar ed utilisar en l’instrucziun. Las scolastas ed ils scolasts vegnan entusiasmads per cuntegns da MINT ed acquistan abilitads da promover questas cumpetenzas da lur scolaras e scolars.
ulteriuras infurmaziunsContact
