Access al studi da bachelor

Curs preliminar

Vus absolvais il curs preliminar en l’ambient famigliar da la EMS Schiers. El sa cumpona d’instrucziun en preschientscha e dal studi autodidactic:  

• Instrucziun en preschientscha: ca. 20 lecziuns per emna en la lingua da scola (tudestg, rumantsch u talian), lingua estra, matematica, scienzas da la natira e scienzas umanas / scienzas socialas, musica e sport. 
• Studi autodidactic: ca. 20 uras per emna (dependent da la furmaziun preliminara) 

In’activitad professiunala reducida da 20% fin 40% è pussaivla.  

Il curs preliminar dad in onn cuzza d’avust fin zercladur da l’onn proxim. Tgi che dumogna ils examens finals, po cumenzar il settember il studi a la SAP dal Grischun. Per quel As stuais danovamain s’annunziar.  

Admissiun al curs preliminar senza examen d’admissiun  

• Maturitad professiunala (fin 3 onns veglia) 
• Certificat da scola media spezialisada (fin 3 onns vegl)  

Admissiun al curs preliminar cun examen d’admissiun  

• 2 onns experientscha professiunala e finiziun da l’emprendissadi (AFQ)  
• Maturitad professiunala (passa 3 onns veglia) 
• Certificat da scola media spezialisada (passa 3 onns vegl)  

L’examen d’admissiun cumpiglia  

• Examen en la lingua da scola 
• Examen da matematica  
• Ev. examen d’ina lingua estra (vesair sut linguas)  

Datas da l’examen d’admissiun (incl. examen d’admissiun en la lingua estra tschernida)  

• 11 da mars 2024 (Termin d’annunzia 15 da favrer 2024) 
• 13 da matg 2024 (Termin d’annunzia 30 d’avrigl 2024) 

Linguas dal curs preliminar:  

• Il curs preliminar vegn fatg per tudestg. 
• Persunas da lingua taliana pon frequentar roms specifics per talian.  

Cunquai che l’instrucziun è per gronda part per tudestg, vegn cusseglià in nivel B2 a persunas da lingua taliana.  

L’access al curs preliminar pretenda in B1 en la lingua estra tschernida:  

• certificat u 
• examen d’admissiun a scrit a la Scola media evangelica Schiers.