Manadra/manader secretariat / front office

• direcziun professiunala e persunala dal team da secretariat, incl. planisaziun dals engaschaments e da las incumbensas sco era coordinaziun dals process da lavur e dals contacts cun las ulteriuras gruppas d’interess

• responsabladad per l’administraziun da las studentas e dals students da l’annunzia fin a la diplomaziun incl. tgira da datas en la software d’administraziun da la scola auta, nua che Vus exequis sez:za ina part essenziala da las lavurs operativas 

• lavurs generalas da secretariat cun servetsch da spurtegl e da telefon

• surpigliar incumbensas generalas per in prorectorat, elavurar annunzias, attestats e diploms sco er collavurar tar l’organisaziun dals examens da diplom e praticums en cunvegnientscha cun las persunas responsablas

• en questa funcziun da center avais Vus in stretg contact cun interessentas ed interessents dal studi, cun studentas e students, cun docentas e docents, cun persunas d’instrucziun da la pratica, cun participantas e participantas da furmaziuns supplementaras sco era cun collavuraturas e collavuraturs e cun posts externs

• ina scolaziun commerziala cun experientscha professiunala da plirs onns

• experientscha da manar u coordinar in team resp. in grond interess per ina funcziun directiva

• in bun dun receptiv ed ina moda da lavurar independenta, structurada e fidada

• in’auta affinitad per IT en il diever da differentas applicaziuns ed in diever segir da Microsoft-Office

• ina persunalitad communicativa ch'è orientada als servetschs cun ina mentalitad da teamplayer

• fitg bunas enconuschientschas da tudestg e da preferenza d’ina ulteriura lingua chantunala

Vus chattais tar nus in’occupaziun multifara cun libertad da sviluppar atgnas ideas tematicas en ina scola auta da pedagogia dinamica e trilingua. Vus avais a disposiziun in ambient da lavur attractiv cun in’infrastructura moderna. L’engaschament sa drizza tenor las directivas chantunalas.