Bainvegni sin il campus Plan da la situaziun
ulteriuras infurmaziuns
Offerta da chombras Scalära
Chasa da dimora al campus
Vus abitais e studegiais amez noss campus. Durant Voss studi è la chasa da dimora Scalära per studentas e students Voss dachasa. Las grondas chombras mobigliadas dastgan vegnir endrizzadas tenor agen gust. En l'agen restaurant vegnan purschidas tratgas variadas e saunas.
La purschida sa drizza a studentas e students ed ad emprendistas ed emprendists. Las stanzas cleras e grondas disponan d’in lavabo e d’ina stgaffa cun spievel ed èn cumplettamain mobigliadas. Las duschas sa chattan en il suler e vegnan duvradas da cuminanza cun las autras abitantas ed abitants. L’edifizi porscha ina cuschina d’abitar cun ina stivetta. Ulteriurs lieus da recreaziun sco era balcuns datti sin tut ils plauns. Duas maschinas da lavar e tumblers stattan plinavant a disposiziun.
La stanza po vegnir endrizza tenor agen basegn e vegnir cumplettada cun atgnas mobiglias. La stanza vegn nettegiada mintg’emna ed ils ponns da letg vegnan midads regularmain. A tut las abitantas ed abitants stat natiralmain a disposiziun in w-lan gratuit en l’entir edifizi.
L’ustaria che tutga tar la chasa da dimora porscha a las abitantas ed als abitants ed als giasts ina purschida da mangiar attractiva en in bel ambient.
Lieu attractiv
La chasa da dimora ed il Restaurant Scalära sa chattan en il quartier Loëstrasse-Lürlibad. Las chombras porschan ina vista sin la citad da Cuira e sin las muntognas grischunas. Grazia a duas fermadas dal bus en vischinanza èn ins en paucas minutas en la citad veglia da Cuira u a la staziun. La zona da repaus Fürstenwald è quasi sper la chasa da dimora. Er urdains da fitness, la plazza da basket e la plazza da ballape dal campus stattan a Vossa disposiziun. Pussaivladads da far cumpras èn da cuntanscher a pe en paucas minutas.
Annunzia
Avais interess per ina chombra? Per plaschair telefonai al numer inditgà sutvart u scrivai in e-mail. La dumonda per chombras en la chasa da dimora Scalära è fitg gronda. Il manaschi vegn manà ed accumpagnà da l’Uffizi per la furmaziun media-superiura.
Ulteriuras infurmaziuns
Contact
Manaschi d’abitar e d’alimentaziun
Lieu Scalära
Scalärastrasse 13
7000 Cuira
Manaschi d’abitar Scalära: +41 81 257 50 85
Restaurant Scaläratreff: +41 81 257 50 87
info@wvb.gr.ch
Studi Lieu d’emprender Grischun
Il Grischun fa scola. En la citad alpina Cuira porschan trais scolas autas interessants studis en ils champs pedagogia, tecnica, economia, turissem e teologia. Cuira è a l’entrada da la pli gronda regiun da vacanzas da la Svizra. Grischun munta natira pura, trilinguitad e varietad culturala. Regiuns attractivas da sport d’enviern e da stad èn da chattar avant l’isch-chasa. Sco studenta u student da la Scola auta da pedagogia dal Grischun emprendais Vus d’enconuscher il caracter ed il scharm da Cuira e da las regiuns dal Grischun sco era la plurilinguitad vivida.
ulteriuras infurmaziuns