Collavuratur:a scientific:a per il prorectorat furmaziun

Per il prorectorat furmaziun 

• sustegnair la prorectura tar l’administraziun, l’organisaziun e la coordinaziun da la furmaziun sco era tar sesidas e gremis

• elavurar documents da basa sco per exempel retschertgas, analisas, rapports e preschentaziuns

• planisar, coordinar e sustegnair process e projects interns

• coordinar e communitgar cun partenarias e partenaris interns ed externs

   

Per la direcziun dal studi Stgalim primar 

• sustegnair la direcziun da studi tar l’administraziun, l’organisaziun e la coordinaziun dal studi Stgalim primar

• cussegliar ed infurmar persunas interessadas per in studi e studentas e students

• sustegnair tar admissiuns, renconuschientschas, dumondas e situaziuns da studi spezialas

• coordinar studis d’in rom supplementar e studis d’in stgalim supplementar sco er ulteriurs giavischs davart l’organisaziun dal studi

• planisar e sustegnair process e projects interns

• sustegnair tar participaziuns a fieras ed occurrenzas d’infurmaziun

• Vus avais ins studi universitar terminà sin stgalim da bachelor u da master cun ina gronda affinitad per la furmaziun da persunas d’instrucziun e per dumondas da furmaziun.

• Vus avais en il cas ideal experientschas en il champ da la scola auta u en la furmaziun da scolastas e scolasts.

• Vus avais experientscha tar retschertgas scientificas, tar l’analisa e la lavur concepziunala.

• Vus lavurais autonomamain, conscienziusamain ed orientà al team ed a soluziuns.

• Vus avais fitg bunas abilitads da communicaziun en scrit ed a bucca. 

• Vus communitgais da maniera fitg segira per tudestg ed avais da preferenza bunas enconuschientschas d’ina ulteriura lingua chantunala.
   

Ina lavur variada a l'interfatscha da la direcziun da scola auta, dal studi e da las studentas e dals students cun incumbensas autonomas e projects interessants en l’organisaziun da la furmaziun.

En in ambient engaschà e collegial collavurais Vus cun la prorectura furmaziun e cun la direcziun dal studi Stgalim primar e profitais d’ina plazza da lavur attractiva cun in’infrastructura moderna. L’engaschament sa drizza tenor las directivas chantunalas.