Chalender d'occurrenzas

Final da la First Lego League Germania - Austria e Svizra (DACH)

Ils 13/14 d'avrigl 2024 ha lieu a Tavau il final Germania-Austria e Svizra (DACH). Sa qualifitgads èn 25 teams da challenge e 6 teams d’explore.

Las scolaras ed ils scolars da nov fin sedesch onns construeschan mintgamai per l'uschenumnà "robotgame" in roboter cumplettamain automatic per schliar pliras incumbensas entaifer 150 secundas sin in champ da gieu prescrit. Questas lavurs e questas ideas sco era lur abilitads da lavurar en in team preschentan els mintgamai al di da la concurrenza en las categorias "valurs da basa, preschentaziun da la perscrutaziun e robotdesign" ad ina giuria.

En quest program vegn integrà il mund da viver dals uffants ed i vegn promovì co ir enturn cun sbagls ed il pensar analitic, perscrutativ.

Dapi 2008 sustegna la SAP dal Grischun ensemen cun la EMS Schiers e cun la Scola auta spezialisada dal Grischun il program da promoziun MINT "First Lego League" che vegn realisà internaziunalmain.

Dapi l'avust 2020 accumpognan e cusseglian studentas e students da la SPF da Turitg ensemen cun studentas e students da la SAP dal Grischun 3 teams d'uffants e da giuvenils en il center da MINT da la SAP dal Grischun.

Sonda, 13-04-2024

• fin a las 11.30 uras: arrivada dals teams da challenge
• 12:00 uras: festa d'avertura cun prof. dr. Gian-Paolo Curcio, rectur da la SAP dal Grischun e salid da Philipp Wilhelm, landamma da Tavau e Stefanie Sieber e Susanne Voigt, gestiun HANDS on TECHNOLOGY e.V.
• a partir da las 13:00 uras: valitaziun da la categoria “Live Challenge” per ils teams da challenge
• 18:00 uras: “Get Together” per volunteers e giasts (fin 22:00 uras) e “Friendship Night” per teams da challenge (fin 21:00 uras)

Dumengia, 14-04-2024

• a partir da las 8:00 uras: check in
• 9:00: festa d’avertura FIRST LEGO League
• 10:00-11:30 uras: exposiziun d’explore FIRST LEGO League ed expertisas
• 10:00-12:00 uras: rundas da test robotgame
• 10:00-15:30 uras: valitaziuns da la giuria dals teams da challenge
• 12:00-16:00 prerundas robotgame (1-3)
• 13:00 uras: premiaziun FIRST LEGO League Explore
• 16:00 uras: preschentaziun publica da las perscrutaziuns 
• ca. 16:45 uras: rundas da final robotgame
• 18:00: premiaziun da la FIRST LEGO League Challenge cun il president da la regenza, dr. Jon Domenic Parolini, prof. Jürg Kessler (rectur FHGR), Andrea Tarnutzer (directura EMS Schiers) e Stefanie Sieber  e Susanne Voigt, gestiun HANDS on TECHNOLOGY e.V.
• ca. 19:00 uras: finiziun dal final 2024 da la FIRST LEGO League

Moderaziun: Claudio Spescha (SRF) e Tim Waibel

Il program actual chattais Vus qua.

In'annunzia n'è betg necessaria. Nus ans legrain sin fitg bleras aspectaturas e fitg blers aspectaturs interessads. 

Capodovras da l'istorgia dal film

Vuls ti gugent savair co che las squadras da la FLL Explore programmeschan lur models? Emprova tez/tezza cun visitar il stan cun trais incumbensas da programmar enturn Spike Essential e cun il tema "capodovras da l'istorgia dal film".

Saja quai Harry Potter, Jurassic Park u Indiana Jones: en tut las trais "capodovras" da l'istorgia dal film dovra quai:

1. stunts temeraris → staziun 1: Eeed action!
2. ina buna lavur cun la camera → staziun 2: Fai buns maletgs da camera!
3. e natiralmain ina festa per la premiera dal film → staziun 3: Let's start the show!

Activitads per uffants e giuvenils interessads cun studentas e students da la SPF da Turitg e da la SAP dal Grischun.

Sponsurs dad aur

La firma Trumpf Svizra SA e la Repower SA ta spetgan a lur stan e s'allegran da tia visita.

phobricks studio gmbh e Vance Carter

Models interactivs da LEGO Education e ROBOTMAKE3RS. Ve sperasvi, fai il test e ta participescha a la concurrenza.

Kiosc

Studentas e students da la SAP dal Grischun mainan in kiosc e porschan diversas bunas chaussas da mangiar.