CAMP da scriver 2024

Has ti il chau plain ideas e vuls crear cun quellas in’istorgia? Has ti gust da scriver, ma na sas betg co cumenzar? Dovras ti in lieu ideal per pudair glimar vi da tia istorgia?
Lura es ti tar nus exact en il dretg lieu.

Ensemen cun giuvenils da medema vegliadetga poss ti laschar sgular tes patratgs e crear tes mund da fantasia. Ti has la pussaivladad da far dumondas, da survegnir buns cussegls e da profitar da la grond’experientscha d’ina autura.

Data

08.08.2024 - 09.08.2024

Temp

09:00 - 16:00

Lieu

Pädagogische Hochschule Graubünden, Chur

Annunzia

26.07.2024

Cun exercizis da scriver inspirants e leghers survegns ti en quest champ da scriver blers impuls co chattar coolas ideas da scriver, co inventar e sviluppar figuras persvadentas e co ti pos dar furma a tia istorgia.

I na dependa, sche ti has gia experientscha cun scriver u sche ti vuls simplamain svegliar tes interess ed esser creativ, noss camp porscha insatge per mintgin. Nus ta dain la pussaivladad da chattar tia vusch sco autura u autur.

Jau scriv fitg gugent. A mai plascha bain ch'i na dat naginas reglas e che mintgin po scriver quai che plascha bain ad el.

Nina, 11 onns, raquinta da sia experientscha da l'onn passà en il camp da scriver

Ti poss eleger, sche ti vuls scriver tia istorgia per tudestg, talian u rumantsch - gea schizunt en duas linguas, gist sco quai ch’i plascha a tai.

Patrizia Parolini, autura ed experta da camps da scriver, maina ensemen cun studentas e students da la SAP dal Grischun tras ils dus dis. Els ta gidan da furmar tia istorgia e da scuvrir e sviluppar tias abilitads sco autur ed autura.

Patrizia Parolini è giurista ed autura. Ella ha absolvì il curs da sriver litterar a la Scola per Linguistica Applitgada a Turitg ed ha frequentà differents curs da terapia en connex cun scriver. Ella prenda regularmain part a curs da scriver litterars e creativs. L'onn 2018 è vegnì publitgà ses roman «Almas Rom. Eine Puschlaver Familiensaga» en la chasa editura orte Schwellbrunn, l'onn 2022 è vegnida publitgada la translaziun taliana «Alma. Una storia di famiglia» tar Armando Dadò editore, Locarno. Dal 2021 fin il 2023 ha ella scrit la columna «E alla prossima» per il magazin KultChur. Il matg 2023 è ella stada stipendiata a la Chasa litterara independenta da l'Austria Bassa a Stein/Krems (AIR, artists in residence-Programm). Dapi l'onn 2020 realisescha ella lavuratoris da scriver per uffants e giuvenils. Lavuratoris da scriver per creschids èn en planisaziun.

dapli infurmaziuns tar Patrizia Parolini

(origin e dretg dal maletg: Alexandra Kelly)

Tgi po sa participar?

Es ti scolara u scolar da la 4., 5. u 6. classa? Lura ans legrain nus sin tai.

Co s'annunziar?

T'annunzia per plaschair cun cliccar sin il link survart.

Quant custa il camp?

Il camp custa 160.- CHF (ulteriurs fragliuns 140.- CHF) incl. alimentaziun e surveglianza sur mezdi.

L'assicuranza è chaussa da las participantas e dals participants.

i-CAMPs GR Kids 2024

Vuls ti savair co ch’il mund digital funcziuna, co ch’ins programmescha, bajegia maschinas e co ch’ins dat alura vita a questas?

ulteriuras infurmaziuns

Contact

Wissenschaftliche Mitarbeiterin III, als Leiterin MINT