Data
22.08.2024
Temp
20:00 -
Lieu
Davos, Kulturplatz, Promenade 58C
Organisatur
Naturforschende Gesellschaft Davos, Wissensstadt Davos
Cuntegn dal program
Il predicat "cun ina bilantscha neutrala da CO2" vegn cumbinà cun products e servetschs ch'èn favuraivels al clima. Ma basta "cun ina bilantscha neutrala da CO2" insumma anc, u ston ins gia allontanar il CO2 da l'atmosfera per cuntanscher las finamiras dal clima e metter el en "deposits finals"?
Referents
- Dr. Stefan Finsterle, idrogeolog ed expert per deposits finals
- Dr. Peter Richner, manader da la nova iniziativa da perscrutaziun da l'EMPA "Mining the Atmosphere"
- Dr. Jan Sedlacek, modellader dal clima al PMOD/WRC
Moderaziun: Birgit Ottmer, manadra communicaziun, WSL
Public en mira
Occurrenza publica
Ciclus d’occurrenzas Café scientific Grischun
Cafés èn gia adina stads lieus d'inscunter bainvis per discutar davart fatgs actuals e per barattar opiniuns. En ils cafés scientifics discutan expertas ed experts cun il public davart temas scientifics ch'èn d' impurtanza spezialmain per il Grischun. Las occurrenzas han lieu mintgamai en differents lieus.
I sa tracta d'in discurs avert tranter tut las participantas ed ils participants. L'entrada è libra.
Inizianta e coordinatura
Il ciclus d'occurrenzas cun cafés scientifics, iniziada da la Fundaziun Science et Cité en divers lieus da scolas autas en Svizra, vulan pussibilitar a la populaziun il barat persunal cun las scienzas natiralas e cun las scienziadas ed ils scienziads da differents champs – cun la finamira da reducir las barrieras tranter la perscrutaziun a las scolas autas e la populaziun. En il barat direct daventa evident il niz general da la perscrutaziun en scolas autas ed en instituts da perscrutaziun. La colliaziun tranter il mintgadi ed ils resultats da la scienza daventa evidenta. Il ciclus d' occurrenzas vegn coordinà da l'Academia Raetica, da l'associaziun per promover la scienza, la perscrutaziun e la furmaziun en il chantun Grischun e ses conturn.