Direcziun da l‘organisaziun
Studegiar a moda persistenta

La professiun sco persuna d’instrucziun pretenda in engaschament social cun effect persistent e cun gronda responsabladad. Persunas d’instrucziun furman generaziuns futuras e las sensibiliseschan per las sfidas socialas, ecologicas ed economicas da l’avegnir. Ellas portan e transportan responsabladad per il mund en il qual nus vivain. La SAP dal Grischun las sustegna en quest agir

Furmaziun dad auta valur ed egualitad dals dretgs

La SAP dal grischun garantescha ina furmaziun dad auta valur e s’engascha da maniera activa per l’egualitad e l’autodeterminaziun. Questas finamiras èn part dals Sustainable Developement Goals da las Naziuns Unidas ed ellas èn francadas en la strategia 2021-2024 da la SAP dal Grischun.

La SAP dal Grischun persistenta

En il manaschi da la scola auta s’orientescha la SAP dal Grischun als Sustainable Development Goals da las Naziuns Unidas. Ella s’engascha per in consum e per ina producziun cun responsabladad e per mesiras per la protecziun dal clima.

La SAP dal Grischun dat gronda valur a la participaziun ed a l’integraziun da las studentas e dals students. Mesiras e projects vegnan realisads da maniera che studentas e students fan experientschas ed enconuschientschas impurtantas ch’els san integrar da maniera raschunaivla en lur lavur d’instrucziun.

Als pleds suondan nossas acziuns. Scuvri noss projects da persistenza:

Flotta da Mobility

Enstagl dad agens vehichels da manaschi va la SAPGR la via dal Carsharing da Mobility. Ella è stada l’emprima scola auta da la Svizra ch’è sa participada cun agens lieus a la rait da sharing. In auto è in vehichel electric che va cun forza electrica ecologica. Tut ils viadis da servetsch èn cumpensads areguard il CO2. La SAP dal Grischun dispona d’ina atgna staziun da chargiar ch'è era accessibla publicamain.

E-bikes

Per cumplettar la flotta da vehichels, metta la SAP dal Grischun a disposiziun a sias collavuraturas ed a ses collavuraturs e-bikes per curts viadis da servetsch.

Foodwaste e regiunalitad

Nus ans engaschain da maniera activa per la reducziun da Foodwaste. Quai cuntanschain nus cun ina stretga collavuraziun cun il restaurant Scaläratreff e cun ina planisaziun a lunga vista.

Fritga da la regiun

Studentas e students, collavuraturas e collavuraturs pon giudair gratuit la fritga dal Plantahof.

Iert d’instruir e d’emprender cun avieuler

L’ier cun avieuler vegn duvrà per la furmaziun da futuras persunas d’instrucziun e vegn mess a disposiziun ad uffants da scola da la regiun. La racolta da l’iert vegn nizzegiada dal restaurant Scaläratreff.

 

Products regiunals

La SAP dal Grischun emposta tar las la tscherna da products producents e furniturs regiunals.

Energia e consum dad aua 

La SAP dal Grischun retira exclusivamain current dad energia renovabla.

Sin il tetg da la SAP dal Grischun è installà in implant solar. L’energia da quel vegn utilisada da la scola auta

Sauaziun da l’iert d’instruir e d’emprender

Studentas e students da la SAP dal Grischun han planisà e realisà in implant per rimnar l’aua da plievgia. Quest implant vegn utilisà per sauar l’iert d’instruir e d’emprender. Impurtant tar quest project è stà che l’idea saja transferibla era sin las plazzas da lavur futuras da studentas e students.

Avais Vus ulteriuras ideas ch’ins savess realisar a la SAP dal Grischun? Nus essan mirveglius ed examinain gugent Vossas ideas.

Contact

Ihr Browser (IE 11) ist leider zu alt und wird nicht mehr unterstützt.