Cun la strategia 2025–2028 prepara la Scola auta da pedagogia dal Grischun il terren per il futur. Sa basond sin la visiun 2036, metta ella ils suandants accents: la furmaziun da persunas d’instrucziun ch’ageschan da maniera professiunala, la promoziun da la plurilinguitad, il diever da las tecnologias digitalas, il svilup persistent ed il rinforzament da la scola auta sco instituziun da furmaziun attractiva. Uschia contribuescha la scola auta activamain a la qualitad ed al svilup da la furmaziun da las scolastas e dals scolasts.
L’agir a la SAP dal Grischun s’orientescha durant ils proxims quatter onns vi dals suandants tschintg champs d’acziun centrals.
La SAP dal Grischun
a) scolescha persunas d’instrucziun ch’ageschan a moda professiunala.
b) generescha datas davart l’efficacitad da la furmaziun da persunas d’instrucziun a la SAP dal Grischun.
c) promova la generaziun giuvna per rinforzar e sustegnair il corp intermediar.
d) gudogna persunal spezialisà fitg qualifitgà e perfecziunescha quel cuntinuadamain tenor sias preferenzas e sias abilitads.
La SAP dal Grischun
a) fa avunda purschidas per promover las trais linguas chantunalas, la quarta lingua naziunala franzos sco era l’englais en sia furmaziun e furmaziun supplementara, per sviluppar vinavant las cumpetenzas da lingua da persunas d’instrucziun ch’ageschan a moda professiunala.
b) gudogna enconuschientschas davart l’acquisiziun da la lingua da las scolaras e dals scolars, sco era davart l’efficacitad da l’instrucziun da lingua cun ses meds didactics, tira ordlonder consequenzas per las didacticas da las linguas e per il svilup dals meds didactics ed implementescha quellas en furmaziuns e furmaziuns supplementaras.
c) promova il svilup da las cumpetenzas linguisticas receptivas e productivas da las collavuraturas e dals collavuraturs.
d) ademplescha ses mandat da prestaziun quadrupel en las trais linguas chantunalas a Cuira.
La SAP dal Grischun
a) prepara las persunas d’instrucziun futuras d’agir a moda professiunala en la cultura digitala, cun s’occupar a moda critica cun novas tecnologias che servan a la soluziun da problems, per savair las applitgar intenziunadamain sco era per pudair chapir, nizzegiar ed intermediar concepts da basa. Per quest motiv fa ella differentas purschidas che vegnan realisadas (nua ch’i fa senn) en collavuraziun cun ils partenaris economics regiunals.
b) gudogna enconuschientschas areguard il svilup da las scolaras e dals scolars en il diever da novas tecnologias, sco era l’efficacitad da las purschidas curricularas ed extracurricularas, tira consequenzas per las didacticas dal rom en ils roms da MINT sco er en ils auters roms dal plan d’instrucziun e transferescha quellas en la furmaziun ed en la furmaziun cuntinuada.
c) sa sviluppa permanentamain sco instituziun, implementescha novas tecnologias en ils quatter champs da prestaziun e procura che persunas da la direcziun e persunas dal fatg hajan las cumpetenzas correspundentas.
La SAP dal Grischun
a) sa posiziunescha sco scola auta attractiva en il champ da la scolaziun da persunas d’instrucziun en spezial per las scolas popularas e las scolas da maturitad resguardond ils basegns dal chantun triling sco er ils basegns dal chantun triling sco er dals chantuns vischins e cun cooperar cun scolas autas en Svizra ed a l’ester.
b) communitgescha cun effect giavischà sur chanals elegids envers gruppas en mira specificas cun contribuir ina part al discurs spezial sco er als discurs da la societad (communicaziun scientifica).
c) nizzegia las novas enconuschientschas e tecnologias, open science sco er in’infrastructura moderna per in svilup ed ina realisaziun d’auta qualitad dals process da sustegn, dals process centrals e directivs (organisaziun da l’andament), controllescha per consequenza la structura da l’organisaziun ed adattescha quella en cas da basegn.
d) è (re)accreditada instituziunalmain e ses programs da furmaziun (studis da bachelor e master) èn renconuschids da la Conferenza svizra da las directuras e dals directurs chantunals da l’educaziun publica (CDEP).
e) dovra las resursas finanzialas che stattan a disposiziun per realisar la strategia 2025–2028 e resguarda en quest connex ils aspects da la rentabilitad e da la spargnusadad.
La SAP dal Grischun
a) metta in focus sin il svilup durabel en sias purschidas da la furmaziun e da la furmaziun cuntinuada, dals servetschs sco er en sias activitads da perscrutaziun e svilup.
b) agescha resguardond ils aspects socials, economics ed ecologics e cun in diever responsabel da resursas per in svilup persistent da la scola auta.
c) promova la diversitad, l’inclusiun e l’egualitad da las schanzas resguardond en il medem mument sia incumbensa a favur d’ina societad multifara e democratica.
d) garantescha che minimum ina represchentanza dal gremi da decisiun (cussegl da la scola auta e direcziun da la scola auta) dispona da savida en ils temas giustia da las schanzas, diversitad, inclusiun e diever responsabel da resursas sco basa optimala per prender decisiuns.
e) anticipescha, observescha e giuditgescha situaziuns da crisa eventualas e sviluppa ensemen cun partenaris socials da scola consequenzas correspundentas per in’adattaziun da sias purschidas en la furmaziun e la furmaziun cuntinuada, dals servetschs sco era da sias activitads da perscrutaziun e da svilup.
L’onn 2036 instrueschan a las scolas popularas e da maturitad scolastas e scolasts, ch’ageschan professiunalmain, lur scolaras e lur scolars en moda orientada al svilup ed effectiva. Uschia stgaffeschan nossas persunas d’instrucziun premissas necessarias per svilups da gronda responsabladad en il chantun Grischun triling ed en ils chantuns vischinants. La societad appreziescha las prestaziuns da las persunas d’instrucziun.
La missiun da la SAP dal Grischun è la furmaziun e furmaziun cuntinuada da persunas d’instrucziun. La SAPGR porscha studis da bachelor e da master en pedagogia per las scolas popularas e da maturitad cun resguardar ils basegns dal chantun triling e dals chantuns vischins. La scola auta promova la furmaziun supplementara da persunas d’instrucziun sin tut ils stgalims da las scolas popularas e da las scolas da maturitad, fa perscrutaziun applitgada e svilup applitgà e porscha servetschs a terzas persunas. En quest connex resguarda ella ils basegns dal chantun (cfr. la Lescha davart las scolas autas e la perscrutaziun (LSAP) dal chantun Grischun, art.9).
Ils Sustainable Development Goals (SDGs) èn 17 finamiras per in svilup persistent e defineschan terms economics, ecologics e socials che duain vegnir cuntanschids fin l'onn 2030. Els furman il coc da l'agenda 2030, deliberada da tut ils commembers da las Naziuns unidas l'atun 2015. La SAP dal Grischun ha fixà quatter finamiras.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.