Purschidas per in clima da scola sanadaivel

Promoziun da la sanadad en las scolas

Ina scola che promova la sanadad na rinforza betg mo la prestaziun da sias scolaras e da ses scolars e da ias collavuraturas e collavuraturs, mabain er il plaschair d'instruir e d'emprender. La SAP dal Grischun sustgna las scolas cun purschidas multifaras.

• Nus accumpagnain scolas tar il svilup e tar la realisaziun da structuras e mesiras che promovan la sanadad - da maniera adattada a lur basegns ed orientada a soluziuns. En quest connex analisain nus ensemen cun ellas lur situaziun actuala e lur necessitads.
• Nus sviluppain concepts fatgs sin mesira per promover la sanadad.
• Nus sustegnain las scolas da realisar lur ideas e francar las mesiras a moda persistenta.
• Nus las cussegliain davart temas concrets sco la cultura da team, il management da stress, il rinforzament da la resilienza u in leadership saun ed er auters temas. 
• Nus avain ina purschida cumplessiva da furmaziun supplementara per persunas d'instrucziun e per direcziun da scola - en collavuraziun cun il post spezialisà per la promoziun da la sanadad.  

Promover la sanadad en scola vul dir da prender sistematicamain mesiras per rinforzar la sanadad fisica, psichica e sociala da tut las persunas participadas - da las scolaras e dals scolars, da las persunas d'instrucziun e da las direcziuns da scola. I na va betg mo per evitar malsognas, mabain da crear in ambient, en il qual vegn promovì il bainstar, la prestaziun e las relaziuns socialas. Pertge che la scola è bler dapli che mo in lieu per emprender - ella è in lieu plain vita, lavur e cuminanza.

Il chantun Grischun cumenza qua e fa part da la «rait da scola21», da la rait naziunala per scolas che promova la sanadad. Scolas en il Grischun che s'engaschan per la sanadad e per il bainstar vegnan sustegnidas. Persunas dal fatg da l'Uffizi da sanadad e da la SAP dal Grischun accumpognan ellas sin lur via. Mintga scola decida sezza, nua ch'ella entschaiva e tge finamira ch'ella ha. La «rait da scola21» porscha numerusas resursas e materialias che sustegnan las scolas tar l'implementaziun da mesiras che promovan la sanadad. Tranter auter material didactic, ideas per projects da scola ed infumaziuns davart pussaivladads da promoziun. 

Cun la «rait da scola21» survegnan las scolas in ferm sustegn per integrar la promoziun da la sanadad sin differents nivels. La rait porscha barat, resursas, accumpagnament professiunal e sustegn finanzial per crear ambients da scola sauns, en ils quals tuttas e tuts sa sentan bain e pon sa sviluppar optimalmain.