Exposiziun ambulanza
Bainvegni a chasa – in'exposiziun davart la violenza en famiglia ed en il partenadi
Data
04-11-2025 - 26-11-2025
Temp
08:00 - 17:00
Lieu
Scola auta da pedagogia dal Grischun
Organisatur
Center da furmaziun davart la violenza a chasa da Lucerna
L'exposiziun ambulanta mussa co che violenza cumenza, tge furmas ch'ella po prender e tge consequenzas ch'ella ha. Ella fa vesaivel ch'ils uffants èn spezialmain pertutgads, ch'er umans giuvens pon far tras violenza en relaziuns da teenagers e che la maridaglia sfurzada è in tema en nossa societad.
Il medem mument intermediescha l'exposiziun curaschi ed orientaziun ed infurmescha davart:
- Purschidas d'agid en il Grsichun
- Dretgs e pussaivladads da protecziun
Ella mussa vias, co ch'ina vita senza violenza daventa pussaivla.
Entrada
Libra.
Visitas guidadas per classas da scola
Persunas d'instrucziun che vulan far ina visita guidada cun scolaras e scolars a partir da 15 onns pon s'annunziar tar il Post da coordinaziun violenza a chasa: haeusliche.gewalt@soa.gr.ch | 081 257 26 11.
Per dumondas en connex cun il cuntegn da las visitas guidadas u davart materialias da scola stat a disposiziun il Post da cussegliaziun per l'agid a victimas: opferhilfe@soa.gr.ch | 081 257 30 15
In project da cooperaziun
L'exposiziun è vegnida sviluppada cuminaivlamain da differents posts spezialisads da Lucerna. Ella tutga al Center da furmaziun davart la violenza a chasa da Lucerna che la sviluppa vinavant e che l'affitta ed accumpogna sco exposiziun ambulanta. En il Grischun vegn ella preschentada en cooperaziun cun il Post da coordinaziun violenza a chasa dal Grischun e cun il Post da cussegliaziun per l'agid a victimas dal Grischun.
Ulteriuras infurmaziuns: www.gr.ch/haeusliche-gewalt
Contact