Event
CAMP da scriver 2026

En tes chau sautan istorgias - dentant co pomai pos ti tschiffar quellas? Ti has gia adina vulì inventar e scriver si tia atgna istorgia, ta dumondas dentant savens nua e co cumenzar? En il champ da scriver survegns ti la dretga chaschun per tut quai. In' autura cun bler experientscha e pedagoga da scriver accumpogna tai.
Ensemen cun auters kids che han era plaschair dal scriver survegns ti buns tips, sas ta barattar e creeschas tes agen mund da pleds.

Data

03-08-2026 - 04-08-2026

Temp

08.30 - 17.30

Lieu

Pädagogische Hochschule Graubünden, Chur

Annunzia

26-06-2026

Ensemen cun giuvenils da medema vegliadetgna poss ti laschar sgular tes patratgs e crear tes mund da fantasia. Ti has la pussaivladad da far dumondas, da survegnir buns cussegls e da profitar da la grond’experientscha d’ina autura. 

Urari

Ils temps exacts per ils dus dis dal camp da scriver èn ils suandants:

  • glindesdi, ils 3 d'avust 2026: 8:30-16:00
  • mardi, ils 4 d'avust 2026: 9:00-17:30 (daven da las 16:00 - prelecziun per famiglia ed amis ed amias)

Cun exercizis da scriver inspirants e leghers survegns ti en quest champ da scriver blers impuls co chattar coolas ideas da scriver, co inventar e sviluppar figuras persvadentas e co ti pos dar furma a tia istorgia.

I na dependa, sche ti has gia experientscha cun scriver u sche ti vuls simplamain svegliar tes interess ed esser creativ, noss camp porscha insatge per mintgin. Nus ta dain la pussaivladad da chattar tia vusch sco autura u autur.

Ti poss eleger, sche ti vuls scriver tia istorgia per tudestg, talian u rumantsch  - gea schizunt en duas linguas, gist sco quai ch’i plascha a tai.

Tgi po sa participar?

Scolars e scolaras da la 4.-9. classa.

 

Quant custa il camp?

Il camp custa 150.- CHF (ulteriurs fragliuns 130.- CHF) incl. alimentaziun e surveglianza sur mezdi.

L'assicuranza è chaussa da las participantas e dals participants.

Annunzia

Davent dals 15 da mars 2026 sin questa pagina. 

Jau scriv fitg gugent. A mai plascha bain ch'i na dat naginas reglas e che mintgin po scriver quai che plascha bain ad el.

Nina, 11 onns, raquinta da sia experientscha da l'onn passà en il camp da scriver

Patrizia Parolini, autura ed experta da camps da scriver, maina ensemen cun studentas e students da la SAP dal Grischun tras ils dus dis. Els ta gidan da furmar tia istorgia e da scuvrir e sviluppar tias abilitads sco autur ed autura.

 

 

Patrizia Parolini è giurista ed autura. Ella ha absolvì il curs da sriver litterar a la Scola per Linguistica Applitgada a Turitg ed ha frequentà differents curs da terapia en connex cun scriver. Ella prenda regularmain part a curs da scriver litterars e creativs. L'onn 2018 è vegnì publitgà ses roman «Almas Rom. Eine Puschlaver Familiensaga» en la chasa editura orte Schwellbrunn, l'onn 2022 è vegnida publitgada la translaziun taliana «Alma. Una storia di famiglia» tar Armando Dadò editore, Locarno. Dal 2021 fin il 2023 ha ella scrit la columna «E alla prossima» per il magazin KultChur. Il matg 2023 è ella stada stipendiata a la Chasa litterara independenta da l'Austria Bassa a Stein/Krems (AIR, artists in residence-Programm). Dapi l'onn 2020 realisescha ella lavuratoris da scriver per uffants e giuvenils. Lavuratoris da scriver per creschids èn en planisaziun.

dapli infurmaziuns tar Patrizia Parolini

(origin e dretg dal maletg: Alexandra Kelly)

Event: i-CAMPs 2026

Vuls ti savair co ch’il mund digital funcziuna, co ch’ins programmescha, bajegia maschinas e co ch’ins dat alura vita a questas?

ulteriuras infurmaziuns

Contact

Ihr Browser (IE 11) ist leider zu alt und wird nicht mehr unterstützt.