Occurrenza
Sexual Harassment Awareness Day 2026
Sexissem e mulestas sexualas èn ina realitad er en las scolas autas da la Svizra. Il 'Sexual Harassment Awareness Day' metta in accent per in ambient cun respect e senza mulestas. Quatter scolas autas dal Grischun sco er l'institut da perscrutaziun Academia Raetica sa participeschan cun in'occurrenza communabla a la campagna naziunala.
Data
22-04-2026
Temp
12.30 - 13.00
Lieu
online
Organisatur
Sa SAP dal Grischun, SAS dal Grischun, FH Graubünden, Scola auta da teologia da Cuira, THIM Scola internaziunala, Academia Raetica
Pertge che quest tema è impurtant
Per pudair cumbatter efficaziamain mulestas sexualas dovri:
• ina percepziun clera
• la savida davart pussaivladads d'agir
• l'abilitad da situar violaziuns da cunfin e da reagir a moda adequata
La sensibilisaziun e la reflexiun èn premissas fundamentalas per che las persunas pertutgadas e lur conturns possian reagir a temp.
Input online: Masculinitad tradiziunala e violenza
Concepts tradiziunals da masculinitad influenzeschan la moda e maniera da sa confruntar cun conflicts, emoziuns e pussanza. In'egliada sin la teoria e la pratica mussa cleramain il stan dals concepts actuals e tge che nus inscuntrain effectivamain en la lavur pratica en las scolas autas.
A la fin datti la pussaivladad da far dumondas.
Referent
Tomas Vollenweider
Cussegliader per umens tar il mannebüro züri
Bachelor of Science in Sozialer Arbeit (ZHAW), Master of Science en lavur sociala (ZHAW, i.A.)
Gruppa en mira
Collavuraturas e collavuraturs, studentas e students
Participaziun
En singulas scolas autas po l'input er vegnir tadlà communablamain al lieu. Infurmaziuns en chaussa vegnan dadas da l'instituziun sezza.
Der Sexual Harassment Awareness Day
Mulestas sexualas e sexissem èn derasads er en scolas autas svizras. Facturs da ristga sco cundiziuns d'engaschament precaras, dependenzas, ierarchias e mancanza da diversitad en posiziuns da direcziun e champs spezials favuriseschan in cumportament che violescha ils cunfins.
Il Sexual Harassment Awareness Day è vegnì inizià da swissuniversities en il rom dal project «P-7: Diversitad, inclusiun e giustia da las schanzas en il svilup da las scolas autas». La finamira è da crear in ambient da studi e da lavur segir e plain respect per tut las commembras e tut ils commembers da las scolas autas. S'infurmai davart il tema ed engrondi vossa savida.
Contact