L’onn 2023 festivescha la SAP dal Grischun ses 20avel anniversari. Quest’occasiun duai dar la pussaivladad da sa scuntrar e d’engraziar a la populaziun. Sco engraziament tira la Scola auta da pedagogia la sort e surdat a ventg famiglias agid gratuit per far ils pensums; cumplainamain tenor il motto da giubileum "Furmaziun d’auta qualitad per tuts". Studentas e students porschan quest agid per far ils pensums che sa cumpona da duas lecziuns ad emna davent dal schaner fin il zercladur 2023.
Las persunas d’instrucziun futuras gidan las scolaras ed ils scolars da far ils pensums cun lecziuns privatas, motiveschan ellas/els da schliar lur pensums ed als preparan optimalmain per ils examens – a moda individuala ed effectiva.
Da 99 annunzias han studentas e students da la SAP dal Grischun elegì 20 famiglias che pon far diever l’onn proxim da l’agid gratuit per far ils pensums. La concurrenza ha gì lieu mez december a chaschun da las festivitads da Nadal sin il campus da la scola auta.
L’interess da las studentas e dals students da sa participar a l’acziun da giubileum è immens. Las victuras ed ils victurs vegnan infurmads en scrit ed i vegn inizià il contact cun las studentas ed ils students.
Vulais era Vus che studentas e students da la scola auta da pedagogia dal Grischun gidian Voss uffant da far ils pensums? Qua chattais Vus dapli infurmaziuns davart nossa purschida.
Ha Voss uffant bregias da far persul ils pensums u difficultads cun grammatica, matematica u geometria? Tut las famiglias che tschertgan per lur uffants sustegn da far ils pensums, chattan a la SAP dal Grischun il dretg post da consultaziun.
ulteriuras infurmaziunsDa l'agid per far ils pensums na profiteschan betg be ils uffants ed ils giuvenils, mabain era las studentas ed ils students. Els san applitgar lur enconuschientschas en la pratica e rimnar emprimas experientschas professiunalas.
Ihr Browser (IE 11) ist leider zu alt und wird nicht mehr unterstützt.