Il tema da quest onn è "Adumbatten - Vergebens - Invano". Ina giuria da spezialists e spezialistas da slam sco era studentas e students, collavuraturas e collavuraturs dad omaduas scolas autas elegia ils megliers texts. Las persunas nominadas preschentan lur texts l’atun a chaschun dal final en il "Kafi Schnauz". Ils texts dals victurs e da las victuras vegnan eruids entras ina votaziun directa dal public e publitgads pli tard.
Inoltrar ils texts fin ils 30 d’avrigl 2024 a Simona Tschumper.
Ulteriuras infurmaziuns tar la concurrenza da scriver e tar anteriuras occurrenzas èn da chattar qua.
1. plaz: 150 francs
2. plaz: 100 francs
3. plaz: 50 francs
Studentas e students, anteriuras studentas e students e collavuraturas e collavuraturs dad omaduas SAP’s e participantas e participants dal CAS "Literarisches Schreiben" han il dretg da sa participar.
Per sa participar al poetry slam na dovri naginas enconuschientschas da basa litteraras. Quai che vegn apprezià è plitost la varietad dals temas preschentads sco era la moda creativa da s'exprimer da las participantas e dals participants.
Il tema dal poetry-slam da quest onn è "Adumbatten" (Vergebens). Quest pled cuntegna il verb "batter" (pochen, schlagen). Mintga giada, cura che jau aud "Adumbatten" pens jau vi d'in cor che batta adumbatten. Quai dat a quest tema ina profunditad singulara, perquai ch'el na descriva betg mo las stentas vanas, mabain la passiun persa.
Las contribuziuns da las victuras e dals victurs davart il tema "Being young" (esser giuven).
Poetry slam è in moviment litterar che ha ses origin en l’America e ch’è entant sa derasà en tut il mund. En il rom da concurrenzas publicas, ils uscheditgs slams, sa scuntran poetessas e poets in cun l'auter per intgantar il public cun lur art. En in temp limità preschentan quels lur agens texts, sa servind d'ina lingua simpla e chapaivla per intermediar lur messadi en ina moda uschè impressiunanta sco pussaivel.
Ils temas dals texts da slam tanschan d'experientschas da la vita quotidiana fin a dumondas socialas. La particularitad è l'interacziun directa tranter las artistas ed ils artists ed il public che sa participescha a l'occurrenza. Cun surdar puncts valitescha il public las represchentaziuns e contribuescha uschia dad eruir la victura u il victur. Quai stgaffescha in'atmosfera viva e fa dal slam poetry ina furma unica da l'expressiun litterara.
Ihr Browser (IE 11) ist leider zu alt und wird nicht mehr unterstützt.