Direcziun da l‘organisaziun
LINGUAS

Profitai dal studi a la Scola auta da pedagogia dal Grischun ch’è trilingua. Questa porscha en sias scolaziuns divers moduls ch’ins po eleger per tudestg, rumantsch u talian e viva uschia la plurilinguitad. Cun emprender linguas, cun la pussaivladad d’acquistar in diplom biling e tras il barat cun autras studentas ed auters students pudais Vus participar a l’ambient pluriling. La plurilinguitad As avra novs access e contacts.

Nus purschain

  • trais linguas da scola: rumantsch, talian e tudestg
  • quatter linguas estras: englais, franzos, talian e tudestg
  • curs da linguas facultativs en las linguas da scola ed en las linguas estras

Vus pudais

  • acquistar ina qualificaziun d’instruir en ina lingua da scola ed en almain ina lingua estra
  • acquistar in diplom biling (rumantsch-tudestg u talian-tudestg)
  • studegiar en in ambient pluriling

Quai Ta pudess era interessar

: International Office

L'International Office (IO) da la SAP dal Grischun fa part dal post da stab per linguas chantunalas. El coordinescha ils partenadis da la scola auta cun autras scolas autas spezialisadas sin la furmaziun en Svizra ed a l'exteriur. L'International Office (IO) promova la mobilitad e coordinescha tut las pussaivladads da barat per las studentas ed ils students sco era per il persunal da la SAP dal Grischun (outgoing). Plinavant è el l'emprim post da consultaziun per tut las studentas externas e tut ils students externs e collavuraturas e collavuraturs che s'interessan per in semester da barat u per in program da curta durada a la SAP dal Grischun (incoming).

ulteriuras infurmaziuns

Cumpetenza linguistica: Examen intern da linguas estras

A la SAP dal Grischun datti la pussaivladad da cumprovar cun in examen intern la cumpetenza linguistica necessaria per la qualificaziun d'instruir en las linguas estras talian, englais, franzos e tudestg. Questa pussaivladad vala era da maniera retroactiva per tut las absolventas e tut ils absolvents da la SAP dal Grischun. L'examen ha lieu duas giadas per onn (primavaira/atun).

ulteriuras infurmaziuns

Direcziun da l'organisaziun: Post da stab per linguas chantunalas

Il post da stab per linguas chantunalas ha ina funcziun da punt per las studentas ed ils students e tut ils giavischs en connex cun la lingua. Sco part integrala dal stab da rectorat sustegna el activamain il rectur en la direcziun trilingua da la scola auta e s'engascha per ina trilinguitad vivida e funcziunala. Sia responsabladad s'extenda sin il fatg da garantir che tut las trais linguas chantunalas vegnian resguardadas adequatamain tant en la scolaziun sco er en la furmaziun cuntinuada e ch'ellas sajan preschentas en tut ils secturs da la Scola auta da pedagogia dal Grischun. L'International Office (IO) da la SAP dal Grischun fa part dal post da stab per linguas chantunalas. El promova la mobilitad da studentas e students sco era da collavuraturas e collavuraturs.

ulteriuras infurmaziuns

Ihr Browser (IE 11) ist leider zu alt und wird nicht mehr unterstützt.