Semester da barat Scola auta da pedagogia dal Grischun
Mobilitad
Gust per in semester da barat en Svizra u a l’exteriur? Sco studenta u student da la Scola auta da pedagogia dal Grischun pudais Vus absolver il quart semester dal studi da bachelor en in’autra scola auta. In semester a l’exteriur en l’America dal Nord, en l’Australia u en la Nova Zelanda è era pussaivel. Il medem porscha viceversa era la SAP dal Grischun: studentas e students ospitants dad autras scolas autas èn cordialmain bainvegnids a Cuira.
Informaziuns
Ziel IT
En il semester a l’exteriur pudais Vus:
- emprender d’enconuscher auters umans
- metter en dumonda process usitads
- sfunsar en in’autra lingua e cultura
- augmentar Vossa autonomia
Partnerschulen IT
La SAP dal Grischun collavura cun differentas scolas autas en Svizra ed en l’Europa. Grazia a la collavuraziun cun la SAP da Turgovia datti ina vasta purschida. Semesters da barat en l’America dal Nord, en l’Australia ed en la Nova Zelanda èn era pussaivels.
Eckwerte IT
- Termin: Studentas e students da la SAP dal Grischun absolvan lur eventual semester a l’exteriur durant il quart semester da lur studi da bachelor. (Studentas e students che han cumenzà lur studi gia la stad 2021, absolvan il semester a l’exteriur durant il terz semester.)
- Attribuziun: Da las prestaziuns a la scola da partenadi pudais Vus laschar attribuir fin a 30 puncts ECTS per il studi a la SAP dal Grischun.
- Finanzas: L’agentura naziunala per barat e mobilitad Movetia sustegna il semester a l’exteriur cun contribuziuns finanzialas.
Vorgehen IT
Las persunas responsablas per la mobilitad a la SAP dal Grischun As cusseglian gugent da maniera individuala.
Per pudair profitar era tematicamain avunda dal semester a l’exteriur, recumonda la SAP dal Grischun almain in nivel B2 en la lingua correspundenta.
Austauschsemester an der PH Graubünden IT
Essas Vus interessads ad in semester da barat a la SAP dal Grischun? As annunziai tenor libra tscherna tar l’International Office da Vossa scola auta u directamain tar la persuna responsabla per la mobilitad da la SAP dal Grischun.
Links
Contact
Studiengangsleiter Sekundarstufe / Studienberater Sekundarstufe