Studi da master
Stgalim secundar I + scolas da maturitad per persunas cun in master spezialisà

Sco scolast:a sin il stgalim secundar I e scolas da maturitad preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara sco er en scolas da maturitad.

Cumenzament

14 da settember 2022

Durada

3 onns (gi e ve)

Annunzia

A partir dals 15 da favrer 2022

Lingua

Tudestg

Dimensiun

94/104 puncts ECTS

Taxa da semester

CHF 650.–

La SAP dal Grischun porscha

  • in’atmosfera d’emprender famigliara
  • in connex cun la scienza, perscrutaziun e cun la pratica
  • in diplom d’instrucziun renconuschì en l’entira Svizra (planisà)
  • in context pluriling
  • in campus attractiv
  • ina chapientscha didactica moderna

Vus avais

  • mirveglias e motivaziun d’emprender
  • plaschair d’ina professiun cun giuvenils
  • in master spezialisà (guardar admissiun)

Infurmaziuns

Structura

Onn da basa
Onn da spezialisaziun
Onn da master

Las studentas ed ils students absolvan praticums ed acquistan enconuschientschas en la didactica dal rom ed en scienzas d’educaziun. Communablamain cun las studentas ed ils students vegn examinada la qualificaziun professiunala.

Semester 1
Semester 2

La mesadad da l’emprim semester è deditgà a la pratica professiunala. Las studentas ed ils students instrueschan u en lur atgnas classas u en classas attribuidas. Planisar, reflectar e valitar l’instrucziun da maniera communabla collia la teoria cun la pratica. Impurtants temas da las scienzas d’educaziun sustegnan quest emprim pass en la vita professiunala.

Durant il segund semester acquistan las studentas ed ils students cumpetenzas da la didactica dal rom – tut tenor rom da studi a Cuira u a Son Gagl. Il medem temp cuntinueschan las studentas ed ils students lur invista en la pratica professiunala.

Durant il segund onn cuntinueschan las studentas ed ils students ad approfundar lur enconuschientschas en la pratica professiunala ed en las scienzas d’educaziun e collian consequentamain la teoria cun la pratica.

Semester 3
Semester 4

Il terz semester è anc ina giada deditgà al barat tranter pratica professiunala e scienzas d’educaziun. Las studentas ed ils students instrueschan u en lur atgnas classas u en classas repartidas. Planisar, reflectar e valitar l’instrucziun da maniera communabla approfundescha ils connexs tranter pratica e teoria.

Durant il quart semester acquistan las studentas ed ils students ulteriuras cumpetenzas da la didactica dal rom – tut tenor rom a Cuira u a Son Gagl. Las studentas ed ils students cuntinueschan ad approfundar lur enconuschientschas da la pratica professiunala. Plinavant cumenzan els lur lavur da master.

Durant l’ultim onn da studi vai per la sintesa da quai che las studentas ed ils students han emprendì fin uss. En il praticum final ed en la lavur da master mussan els co ch’els san colliar teoria e pratica en l’instrucziun.

Semester 5
Semester 6

Las studentas ed ils students s’approfundeschan da maniera intensiva en singuls champs da la pratica professiunala, visitan e s’engaschan en scolas specificas e reflecteschan anc ina giada impurtants temas da las scienzas d’educaziun.

L’ultim semester è deditgà a la lavur da master ed eventualmain ad in ultim bloc da la didactica dal rom. En il rom da colloquis survegnan las studentas ed ils students sustegn da docentas e docents per lur lavur da master. En l’ultim praticum mussan els ch’els èn bain preparads per l’instrucziun sin il stgalim secundar I.

Organisaziun dal studi

Das Studium umfasst je nach Anzahl gewählter Fächer die folgende Anzahl Kreditpunkte:

Champ

1 rom

2 roms

Didactica dal rom​

10​

20​

Scienzas d’educaziun (incl. lavur da master)

36

36

Pratica professiunala (incl. lavur da master)

48

48

total​

94​

104​

(1 punct da credit cumpiglia radund 25 uras lavur) 

 

  • Durada dal studi: 3 onns (prolungaziun dal studi en cas da trais roms)
  • Dis da preschientscha sulettamain gievgia e venderdi
  • Lavur parziala fin 50% è pussaivla (p.ex. ad ina scola)
  • Studi tudestg
  • Ils moduls duran 12 emnas per semester. Latiers datti dis da bloc ordaifer il semester.
  • Cundiziuns specificas che pertutgan il rom pon ins absolver durant il studi a la PHSG
  • Planisaziun e cunvegna dal studi individuala

Plan da studis

Temps da studi (semester e vacanzas)

  • Semester d’atun: emnas 38-50 (exclusivamain dis da bloc)
  • Semester da primavaira: emnas 7-19 (exclusivamain dis da bloc)
  • Vacanzas: circa 6 emnas vacanzas da stad, 1 emna vacanzas d’atun, 2 emnas vacanzas sur Nadal e Bumaun ed 1 emna gist suenter Pasca. Ulteriuras emnas tut tenor onn da studi ed organisaziun autonoma
  • Ils dis da modul duran per regla da las 08.15-16.45 uras

Plan da studis

Roms da studi

Las studentas ed ils students elegian in u dus dals suandants roms:

Tudestg, matematica, englais, franzos, talian, rumantsch, informatica, istorgia, geografia, fisica, biologia, chemia, sport, art figurativ, musica

La furmaziun s’orientescha tenor ils roms dal Plan d’instrucziun 21 e sa referescha en ils moduls ed en la furmaziun da la pratica professiunala sin ils basegns specifics da scolas da maturitad.

Admissiun

  • Bachelor e master universitar (en ils roms tschernids) u
  • Bachelor d’ina scola auta spezialisada e master universitar (en ils roms tschernids) u
  • Bachelor e master d’ina scola auta spezialisada (be pussaivel per musica ed art figurativ)
  • Conduita irreproschabla
  • C2 en il rom dal Portfolio europeic da linguas (PEL) en tudestg en cas ch’i n’è betg avant maun in’admissiun a l’universitad tudestga (per studi da linguas estras C1 en tudestg)
  • Prestaziuns gia cuntanschidas vegnan renconuschidas

Renconuschientscha

La renconuschientscha dal studi tras la Conferenza svizra da las directuras e dals directurs (CDEP) duai succeder il pli tard ils 2024. Uschia èn ils diploms da master da la SAPGR valaivels en l’entira Svizra.

Nus vulain realisar en il studi ina chapientscha didactica moderna e viver avant a las studentas ed als students co che l’instrucziun actuala po esser sin il stgalim secundar: orientada a las cumpetenzas, individualisada ed adattada als basegns da quels ch’emprendan.

Thomas Willi, manader dal studi stgalim secundar

Contact

Ihr Browser (IE 11) ist leider zu alt und wird nicht mehr unterstützt.