Vus essas persuna d’instrucziun diplomada e vulais instruir ulteriurs stgalims da scola u roms? Cun ils studis supplementars da la Scola auta da pedagogia dal Grischun survegnis Vus ina qualificaziun d’instruir correspundenta.
U vulais Vus ina renconuschientscha naziunala per Voss diplom d’instrucziun da l’exteriur? Mesiras da cumpensaziun individualas a la SAP dal Grischun As mainan a la finamira
La SAP dal Grischun porscha ils suandants studis supplementars:
Sco absolvent:a dal studi d’in stgalim supplementar per il stgalim primar essas Vus qualifitgads d’instruir tant ils dus onns da la scolina sco er ils sis onns da la scola primara. Vus survegnis in diplom supplementar renconuschì da la Conferenza da las directuras e dals directurs chantunals da l'educaziun publica (CDEP).
Per l’admissiun al studi d’in stgalim supplementar per il stgalim primar duvrais Vus in diplom d’instrucziun per il sgalim primar renconuschì da la CDEP - saja quai in diplom d'instrucziun per la scolina u in diplom d'instrucziun per la scolina e per il stgalim bass da la scola primara.
Il studi supplementar per il stgalim primar dura dus semesters a temp cumplain e cumenza mintgamai il semester d'atun en l'emna dal chalender 37.
Prestaziuns da furmaziun e da studi formalas ch’èn relevantas pudais Vus laschar attribuir da maniera commensurada per il diplom supplementar. Era pratica d’instrucziun validada pudain nus attribuir a Vossa furmaziun da la pratica professiunala.
Vus frequentais ils moduls ensemen cun las studentas ed ils students dal studi da bachelor. Ils custs correspundan als custs per il studi da bachelor.
Cun absolver il studi supplementar per il stgalim primar savais Vus instruir ulteriurs roms en ils onns da scola per ils quals Vus essas gia scolads. Vus survegnis in diplom supplementar renconuschì da la Conferenza da las directuras e dals directurs chantunals da l'educaziun publica (CDEP).
Per l’admissiun al studi d’in rom supplementar per il stgalim primar duvrais Vus in diplom d’instrucziun per il stgalim primar renconuschì da la CDEP – saja quai in diplom d’instrucziun per la scolina, in diplom d’instrucziun per scola primara u in diplom d’instrucziun per la scolina ed il stgalim primar.
La dimensiun da las prestaziuns da studi per il studi d’in rom supplementar per il stgalim primar correspunda a quella che Vus stuais prestar uschiglio per ils onns da scola correspundents durant il studi regular.
Prestaziuns da furmaziun e da studi formalas ch’èn relevantas pudais Vus laschar attribuir da maniera commensurada per il diplom supplementar. Era pratica d’instrucziun validada pudain nus attribuir a Vossa furmaziun da la pratica professiunala.
Vus frequentais ils moduls ensemen cun las studentas ed ils students dal studi da bachelor. Ils custs correspundan als custs per il studi da bachelor.
Cun absolver il studi supplementar per il stgalim secundar savais Vus instruir ulteriurs roms en ils onns da scola per ils quals Vus essas gia scolads. Vus survegnis in diplom supplementar renconuschì da la Conferenza da las directuras e dals directurs chantunals da l'educaziun publica (CDEP).
Per l’admissiun al studi d’in rom supplementar per il stgalim secundar duvrais Vus in diplom d’instrucziun renconuschì da la CDEP.
La dimensiun da las prestaziuns da studi per il studi supplementar d'ulteriurs roms sin il stgalim secundar correspunda a quella che Vus stuais prestar uschiglio per rom correspundent respectivamain ils roms correspundents durant il studi regular. Las prestaziuns da scienza dal rom avais Vus gia. A la SAPGR studegiais Vus didactica dal rom en la dimensiun da 10 puncts da credit. Vitiers vegnan 10 puncts da credit en la pratica professiunala.
Prestaziuns da furmaziun e da studi formalas ch’èn relevantas pudais Vus laschar attribuir da maniera commensurada per il diplom supplementar.
Vus frequentais ils moduls ensemen cun las studentas ed ils students dal studi da master. Ils custs correspundan als custs per il studi da master.
Per la renconuschientscha naziunala da diploms d’instrucziun da l’exteriur è responsabla la Conferenza da las directuras e dals directurs chantunals da l'educaziun publica (CDEP). Uschespert che Vus faschais ina dumonda a la CDEP, definescha ella las mesiras da cumpensaziun ch’èn necessarias per la renconuschientscha.
Pedagogas e pedagogs curativs da scola instrueschan, accumpognan e promovan scolaras e scolars cun basegns da furmaziun spezials. En quest connex collavuran els stretgamain cun persunas d’instrucziun, cun expertas ed experts e cun geniturs. Il studi da master collia svilups actuals da la pratica cun enconuschientschas scientificas.
ulteriuras infurmaziuns
Midadas socialas influenzeschan las scolas ed èn ina sfida per ellas. Sco sviluppadra/sviluppader da la scola participais Vus da maniera activa d’iniziar pass da svilup e da definir novs process. Il studi da master svilup da la scola en cooperaziun cun autras scolas autas As qualifitgescha sco expertas ed experts dal svilup da la scola sin nivel naziunal ed internaziunal.
ulteriuras infurmaziuns
Studiengangsleiterin Primarstufe / Studienberaterin Primarstufe
Studiengangsleiter Sekundarstufe / Studienberater Sekundarstufe
Ihr Browser (IE 11) ist leider zu alt und wird nicht mehr unterstützt.