Studi da bachelor
Scolina e scola primara (1. – 2.)

Vulais Vus promover ed accumpagnar uffants da la scolina fin en la 2. classa? Sco persuna d’instrucziun gidais Vus ils uffants da sa sviluppar tenor lur preferenzas. A la Scola auta da pedagogia dal Grischun emprendais Vus co elavurar cuntegns da maniera didactica e co stgaffir in’atmosfera positiva en stanza da scola.

Cumenzament

12 da settember 2022

Durada

3 onns (gli fin ve)

Annunzia

30 da zercladur 2022

Lingua

Rumantsch, tudestg, talian

Dimensiun

180 puncts ECTS

Taxa da semester

CHF 650.–

La SAP dal Grischun porscha

  • in’atmosfera d’emprender famigliara
  • ina colliaziun da teoria e pratica
  • in diplom d’instrucziun renconuschì en l’entira Svizra
  • in context pluriling
  • in campus attractiv
  • la pussaivladad da far in diplom biling

Vus avais

  • mirveglias e motivaziun d’emprender
  • plaschair d’ina professiun cun umans
  • interess multifars
  • creativitad ed abilitads organisatoricas
  • la furmaziun preliminara necessaria (vesair admissiun)

Infurmaziuns

Structura

Onn da basa
Onn d’approfundaziun
Onn da pratica

Las studentas ed ils students dals dus studis da bachelor "scolina e scola primara (1. fin 2. classa)” sco era “scola primara (1. fin 6. classa)” frequentan communablamain l’onn da basa. Fin al cumenzament dal segund semester pon las studentas ed ils students midar il studi da bachelor senza dischavantatgs.

Semester 1
Semester 2

Dis d'introducziun, emprima experientscha pratica ed examen lingua da scola

  • Dis d'introducziun: emprima survista dal studi 
  • Las mesemnas: visitas da classas da scolina e da scola en gruppas pitschnas (rimnar emprimas experientschas d’instruir) 
  • Lingua(s) da scola: examinar las cumpetenzas 
  • Fin dal semester: dus dis ospitaziun sin in stgalim da scola 

Dis da bloc, praticum e discurs da verificaziun

  • Avant che cumenzar il semester: mintgamai tschintg dis da bloc en scienzas d’educaziun e matematica 
  • Mesadad da matg: emprim grond praticum, per regla en dus; las studentas ed ils students instrueschan roms tschernids 
  • Tschintg dis da bloc en natira, uman e societad 
  • Emna da teater facultativa
  • Discurs da verificaziun: examinar la qualificaziun professiunala 

Las studentas ed ils students s’approfundeschan per lur stgalim en mira ed han numerusas opziuns d’elecziun. 

Semester 3
Semester 4

Emna da cultura, seminaris specifics per il stgalim en mira e praticum 

  • Cumenzament dal semester: tschintg dis da bloc en natira, uman e societad e tschintg dis da bloc cultura (savens a l’exteriur) 
  • Seminaris specifics per il stgalim en mira (qvd. nagins moduls che cumpiglian plirs stgalims) 
  • Cumenzament da la lavur da bachelor 
  • Schaner: praticum da quatter emnas (en dus); las studentas ed ils students instrueschan en quest connex ina part dal temp d’instrucziun 

Grondas pussaivladads d’elecziun u semester ospitant facultativ

  • Tscherna tranter duas fin trais variantas per modul (uraris individuals) 
  • Facultativ: frequentar il quart semester en ina scola auta en Svizra u a l’exteriur 
  • Quatter giadas tschintg dis da bloc en differents champs (cun pussaivladads da tscherna) 
  • Durant la stad: segiurn linguistic da quatter emnas (u renconuschientscha d’in segiurn linguistic gia prestà)

Las studentas ed ils students absolvan trais praticums durant in onn e sa preparan per la midada en la professiun sco persuna d’instrucziun.

Semester 5
Semester 6

Semester da la pratica professiunala e terminaziun da la lavur da bachelor

  • Avust fin december: dus praticums (individuals) 
  • Emprim praticum: Las studentas ed ils students instrueschan la mesadad dal temp d’instrucziun da lur classa da praticum.
  • Segund praticum: Midada da la classa. Las studentas ed ils students instrueschan fin a trais quarts dal temp d’instrucziun da lur classa da praticum. 
  • Terz praticum: Las studentas ed ils students surpiglian l'entira instrucziun en la medema classa ed absolveschan in mez di d'examen.
  • Fin la mesadad da favrer: terminaziun da la lavur da bachelor, tschintg dis da bloc en il champ art ed activitad creativa.

Introducziun en la professiun, examen final e festa da diplom  

  • Suenter il semester da la pratica professiunala nizzegian las studentas ed ils students las pussaivladads da respunder lur dumondas resultadas en la pratica cun agid dad enconuschientschas teoreticas.  
  • Candidaturas per ina plazza  
  • Preparaziun per la futura vita professiunala 
  • Examen final: examen en scrit en lingua(s) da scola e matematica ed examen a bucca en scienzas d'educaziun
  • Festa da diplom: terminaziun dal studi 
  • Introducziun en la professiun da trais dis per absolventas ed absolvents ch’èn emploiads en il chantun Grischun 

Semester

Datas da semester 

  • Praticums ed instrucziun en bloc cumenzan il pli baud en l’emna 34.  
  • L’atun han seminaris e prelecziuns lieu da l’emna 38 fin 50.  
  • La primavaira han seminaris e prelecziuns lieu da l’emna 7 fin 19.  
  • Praticums, instrucziun cun dis da bloc ed examens fineschan il pli tard l’emna 27. 


Datas da vacanzas  

  • 6 emnas durant la stad da l’emna 28 fin 33  
  • 1 emna l’atun  
  • 2 emnas sur Nadal e Bumaun  
  • 1 emna gist suenter Pasca  
  • Ulteriuras emnas dependan da l’onn da studi, da l’elecziun da variantas e da l’organisaziun autonoma  

 


Ils seminaris obligatorics han lieu da glindesdi fin venderdi tranter las 8.15 e las 16.45 uras. En las uras a l’ur frequentan las studentas ed ils students curs da lingua facultativs ch’èn gratuits.

Cuntegn

Puncts da credit tenor l'European Credit Transfer System (ECTS): 

  • Il studi cumpiglia 180 puncts ECTS.  
  • 1 punct ECTS correspunda a var 25 uras lavur.  
  • Circa la mesadad da la lavur ha lieu en il modus da preschientscha. 
  • Mintga semester cumpiglia 30 puncts ECTS. 


Ils puncts ECTS èn distribuids sin  

  • Furmaziun pratica professiunala  
  • Scienzas d’educaziun 
  • Scienzas e didacticas dal rom (tenor Plan d’instrucziun 21)

Admissiun

Admissiun al studi da bachelor  

  • Maturitad gimnasiala  
  • Diplom da scola auta  
  • Maturitad spezialisada pedagogia  
  • Examen final dal curs preliminar (cun u senza curs preliminar) 


Admissiun al curs preliminar  

  • Scola media spezialisada  
  • Maturitad professiunala  
  • Emprendissadi e dus onns experientscha 


Examinaziun individuala 

  • Diploms esters  

Linguas

Las studentas ed ils students dal studi scolina e scola primara (1. fin 2. classa) elegian tranter differentas variantas da lingua da scola.  

Variantas linguas da scola 

  • Tudestg
  • Talian
  • Tudestg e talian
  • Tudestg e rumantsch

 
Avis:

  • Studentas e students ch'acquistan ina qualificaziun d'instruir en pliras linguas da scola pon instruir en plirs territoris linguistics.
  • Era studentas e students cun lingua da scola talian frequentan prelecziuns, seminaris ed instrucziun en bloc per part per tudestg. En vista ad in success dal studi, vegn recumandà in nivel da C1 en tudestg.  

Instrument

Las studentas ed ils students frequentan durant quatter semesters instrucziun individuala en in dals suandants quatter instruments:  

  • Flauta  
  • Ghitarra 
  • Clavazin  
  • Chant solo


L’accent vegn mess sin l’accumpagnament da chanzuns. Studentas e students che san gia sunar in instrument, san tenor libra tscherna approfundar lur cumpetenzas u emprender in ulteriur instrument.  

Pratica professiunala

A la SAPGR stattan las studentas ed ils students da bell’entschatta en la pratica. Gia durant il 1. semester èn els in di per emna en ina classa e/u preparan u evalueschan lur emprims engaschis d’instruir. Els surpiglian da praticum a praticum adina dapli responsabladad per l’instrucziun e l’accumpagnament dals uffants.

 

Dimensiun

  • En tut 26 emnas praticum / 48 puncts da credit
  • Tar il praticum tutgan era fasas preparativas incl. in di d’ospitaziun.

 

Surpigliar responsabladad

  • L’emprim praticum absolvan las studentas ed ils students en gruppas pitschnas, ulteriurs praticums per regla en dus, ils ultims praticums sulets.
  • Las studentas ed ils students cumenzan la pratica cun observar e cun planisar e realisar curtas sequenzas. Fin a l’ultim praticum èn els capabels da surpigliar tut las incumbensas da la persuna d’instrucziun.

 

Plazzas da praticum

  • La plazza da praticum vegn repartida a las studentas ed als students.
  • En il terz onn da studi datti era plazzas da praticum en scolas svizras en il Mexico, a Catania, Milano, Bergamo, Barcelona e Madrid sco er en ina scola da partenari en las Dolomitas.
  • Sche pussaivel fan tut las studentas ed ils students cun praticums en classas primaras er experientschas cun instrucziun cun pliras classas.
  • Las scolas da cooperaziun lavuran en stretg contact cun la SAPGR. Ellas mettan a disposiziun las bleras plazzas da praticum
  • Las persunas d’instrucziun da la pratica han experientscha professiunala e per regla ina furmaziun sco persuna d’instrucziun da la pratica.
  • Students che fan in diplom biling, absolvan praticums en omaduas linguas da scola.

 

Accumpagnament

  • Las studentas ed ils students vegnan accumpagnads da la persuna d’instrucziun da la pratica.
  • Durant la preparaziun ed evaluaziun dals praticums èn era las docentas ed ils docents da la SAPGR participads en la funcziun da menturas e menturs. Els visiteschan las studentas ed ils students durant il praticum.
  • Studentas e students, persunas d’instrucziun da la pratica e menturas e menturs lavuran ensemen orientà a la finamira. Quai sustegna la colliaziun tranter pratica e teoria.

Downloads

Contact

Ihr Browser (IE 11) ist leider zu alt und wird nicht mehr unterstützt.