Dietas
A chaschun d’ina dieta reunin nus mintga dus onns puncts da vista dad expertas ed experts da la pratica e da la scienza davart in tema actual e discutain pussaivladads concretas da realisaziun per il context da scola.
13 da settember 2025: Emprender da maniera eterogena cun Fabian Grolimund
«Jau na sai tuttina betg quai!» – co ch’ils uffants pon emprender ina buna regulaziun automatica ed autoefficacitad.
Sa laschar en sin in’incumbensa difficila, tadlar e drizzar il focus sin ina suletta chaussa, ir enturn cun las atgnas frustraziuns, sa tegnair vi da reglas e finir insatge da maniera independenta: tut quai premetta ina buna regulaziun automatica.
Ma da tge elements sa cumpona ina buna regulaziun automatica? Co pon uffants emprender da sa concentrar meglier, da franar lur impuls e da regular lur sentiments? E co pudain nus als accumpagnar sin questa via?
Durant questa dieta elavurain nus strategias concretas, adattadas per la pratica per lavurar vi da questas cumpetenzas tant sin il nivel da la classa sco era cun singuls uffants – per che l’emprender daventia in pau pli facil per tuts.
Fabian Grolimund è psicolog e maina ensemen cun Stefanie Rietzler l’academia per coaching d’emprender a Turitg. El è autur da plirs cudeschs, tranter auter «Erfolgreich lernen mit ADHS und ADS», «Lotte, träumst du schon wieder?» und «Clever lernen».
