Perscrutaziun & svilup
Professuras

Professura: Scienzas d'educaziun

Tge facturs cognitivs, metacognitivs, motivaziunals ed emoziunals influenzeschan ils process d’emprender? Co pon persunas d’instrucziun e scolas sustegnair da maniera optimala ils process d'emprender da tut las scolaras e da tut ils scolars? En la professura per scienzas d’educaziun s'occupain nus da dumondas e sfidas actualas en la cuntrada da furmaziun svizra e grischuna. Las enconuschientschas acquistadas vegnan transferidas en la pratica da scola tras purschidas en la furmaziun e furmaziun cuntinuada da scolastas e da scolasts.

ulteriuras infurmaziuns

Professura: Didactica da la matematica

La professura per didactica da la matematica e la gruppa da lavur MINT s’engaschan per l’instrucziun e la perscrutaziun da matematica ed informatica. Las commembras ed ils commembers da la gruppa sa participeschan a differents moduls da matematica e d’informatica e porschan ultra da quai regularmain furmaziuns supplementaras. La perscrutaziun metta l’accent sin dumondas scientificas actualas davart l’instrucziun e l’emprender cun meds da matematica digitals e davart lieus d’emprender da MINT ordaifer la scola. Quai includa er il svilup e l’examinaziun d’ambients d’emprender digitals per l'instrucziun.

ulteriuras infurmaziuns

Professura: Talian e didactica da talian

En il center da la professura stat la perscrutaziun da la lingua taliana e da la didactica dal talian sco lingua da scola e lingua estra. L’accent vegn mess sin l’instrucziun da talian en il context pluriling dal Grischun e da la Svizra. Projects actuals s’occupan da la rolla dal talian sco lingua minoritara en il Grischun, tant en scola sco er en la societad. La professura sa deditgescha ultra da quai al svilup da meds d’instrucziun per il rom talian sco lingua da scola e lingua estra sin il stgalim primar e secundar I.

ulteriuras infurmaziuns

Professura: Retorumantsch e didactica da retorumantsch

La professura da retorumantsch e didactica da retorumantsch è situada en ils champs scienza d'educaziun/perscrutaziun da furmaziun e linguistica applitgada. Ella sa mova tranter la didactica generala, la perscrutaziun da la didactica dal rom e la sociolinguistica e linguistica da furmaziun applitgada dal rumantsch. La professura metta (actualmain) l'accent sin il svilup e la perscrutaziun da meds d'instrucziun da rumantsch.

ulteriuras infurmaziuns

Ihr Browser (IE 11) ist leider zu alt und wird nicht mehr unterstützt.