Dapi quest'emna va il manaschi da la scola auta da pedagogia dal Grischun puspè cun plaina forza. En tut han 635 studentas e students cumenzà il nov semester.
Ils studis da la SAP dal Grischun sveglian vinavant in grond interess. Quest'emna han 210 novas studentas e novs students cumenzà lur studi. Ils proxims trais fin quatter onns vegnan els ad absolver a temp parzial u a temp cumplain la scolaziun sco persuna d'instrucziun per la scolina, la scola primara, il stgalim secundar I, il gimnasi u per pedagogia curativa da scola.
"Nus ans legrain fitg dal grond interess", di Reto Givel-Bernhard, rectur da la SAP dal Grischun, "actualmain studegian tantas studentas e students sco anc mai a la SAP dal Grischun. Per l'ina valitain nus quai sco signal per l'attractivitad da questa professiun pretensiusa. Per l'autra gida la gronda dumonda a cuvrir il basegn actual da persunas d'instrucziun qualifitgadas – spezialmain sin il stgalim secundar I e tar la pedagogia curativa da scola."
Cun 375 persunas ha il studi da bachelor Scola primara (1. – 6. classa) las pli bleras studentas ed ils pli blers students (novas entradas: 122), suandà dal studi da bachelor Scolina e scola primara (1. – 2. classa) cun 97 persunas (novas entradas: 28). Da las persunas d'instrucziun futuras absolvan totalmain 341 studentas e students lur studi per tudestg, 56 per talian, 29 per tudestg e talian e 46 per tudestg e rumantsch. Las quotas da las linguas da scola tar las novas entradas correspundan circa a quellas dals onns precedents.
Il studi da master porscha novas perspectivas professiunalas
En ils dus studis da master Stgalim secundar I sco era Stgalim secundar I e scolas da maturitad èn s'inscrits actualmain 66 studentas e students (novas entradas: 27). Quest studi a temp parzial sa drizza a persunas cun in bachelor u in master en almain in rom d'instrucziun.
Ils dus auters studis da master sa drizzan a persunas cun in diplom d'instrucziun per il stgalim primar: En il studi da master Pedagogia curativa da scola èn s'inscrits actualmain 84 studentas e students (33 novas entradas). En il studi da master Stgalim secundar I per persunas d'instrucziun da la scola primara èn s'inscrits actualmain 13 studentas e students. Quests dus studis porscha la SAP dal Grischun en cooperaziun cun la Scola auta per pedagogia curativa a Turitg (HfH) respectivamain cun la SAP da Son Gagl.
Vivai l'entir mund da la SAP dal Grischun. Cun noss e-newsletter As infurmain nus regularmain davart temas actuals da la furmaziun, novitads, occurrenzas, fieras, curs, studis e bler dapli. As annunziai uss.
ulteriuras infurmaziuns
Vulais Vus promover ed accumpagnar uffants da la scolina fin en la 2. classa? Sco persuna d’instrucziun gidais Vus ils uffants da sa sviluppar tenor lur preferenzas. A la Scola auta da pedagogia dal Grischun emprendais Vus co elavurar cuntegns da maniera didactica e co stgaffir in’atmosfera positiva en stanza da scola.
ulteriuras infurmaziuns
Sco scolast/a dal stgalim primar instruis Vus uffants da l’emprima fin sisavla classa. Vus stgaffis chaschuns d’emprender cun las qualas las scolaras ed ils scolars pon sa sviluppar da maniera optimala. La Scola auta da pedagogia As prepara sin l’instrucziun en tut ils roms dal plan d’instrucziun e pussibilitescha d’applitgar models teoretics da maniera pratica.
ulteriuras infurmaziuns
Sco scolast:a sin il stgalim secundar I preparais Vus giuvenils per lur futur. In stgalim supplementar per il stgalim secundar I cuntanschais Vus sco persuna d'instrucziun dal stgalim primar cun in studi da trais onns a temp parzial.
ulteriuras infurmaziuns
Sco scolast:a sin il stgalim secundar I preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara.
ulteriuras infurmaziuns
Sco scolast:a sin il stgalim secundar I e scolas da maturitad preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara sco er en scolas da maturitad.
ulteriuras infurmaziuns
Pedagogas e pedagogs curativs da scola instrueschan, accumpognan e promovan scolaras e scolars cun basegns da furmaziun spezials. En quest connex collavuran els stretgamain cun persunas d’instrucziun, cun expertas ed experts e cun geniturs. Il studi da master collia svilups actuals da la pratica cun enconuschientschas scientificas.
ulteriuras infurmaziunsIhr Browser (IE 11) ist leider zu alt und wird nicht mehr unterstützt.