Retrospectiva

PH goes Poetry Nr. 8

Las otg finalistas ed ils finalists han preschentà quella saira en moda impressiunanta lur texts davart il tema fixà en il rom da l’otgavel final dal poetry slam. Sco usità – tradiziuns cumprovadas èn da mantegnair – han ins fatg ina preselecziun dals texts finals en duas sesidas da giuria, mintgamai ina a Cuira ed ina a Turitg. En il Kafi Schnauz han las auturas ed ils auturs talentads preschentà lur ovras ed il public ha surdà puncts en gruppas suenter discussiuns animadas.

Moderà la concurrenza da scriver han Rahel Fink e Joël Perrin, omadus cun experientscha da slam. Per preparar il public sin il final da slam, ha Rahel Fink preschentà in agen text resch nov, ch’il public ha tadlà cun attenziun. Lura èsi ì liber. 

Durant questa sairada cun blers puncts culminants, ha il public finalmain elegì las victuras ed ils victurs da la PH goes Poetry da quest onn. Per ses text «S’ sind die kleinen Dinge im Leben» ha Flurina Kunz survegnì da las audituras e dals auditurs ils pli blers puncts e s’ha uschia segirà l’emprima plazza. Medemamain han persvadì las duas auturas Alessia Castelli e Milena Felix dal chantun Grischun che han partì la segunda plazza cun lur texts «Invano» e «Meis maisin da not». Las trais victuras reflecteschan uschia la varietad linguistica che renda uschè singulara la concurrenza da scriver da la SAP da Turitg en collavuraziun cun la SAP dal Grischun. Ina constataziun che resta: ils texts legids na ston betg exnum vegnir chapids per sviluppar lur effect.

Sche nus guardain uss en il futur, vesain nus a l’orizont gia il nov tema da la 9avla ediziun da la concurrenza da scriver PH : «Was uns bleib», «Quai ch'ans resta», «Che cosa ci rimane». Ulteriuras infurmaziuns davart la proxima ediziun da la concurrenza da scriver datti qua.