Era la SAP dal Grischun sa participescha als Orange Days

cuminaivlamain cunter violenza a chasa e femicidis

Davent da glindesdi proxim vegnan a partir da las 17.00 uras illuminads cun oransch differents simbols ed edifizis da la citad da Cuira: staziun da l’auto da posta, biblioteca da la citad, Museum d’art dal Grischun, curtin Villa Planta, teater Cuira, Banca Chantunala Grischuna, Museum retic, Biblioteca chantunala, Scola chantunala grischuna, edifizi da la regenza, center administrativ Sinergia, chasa da scola Quader, libraria Schuler. Questa acziun dura trais dis. Era nus sco Scola auta da pedagogia dal Grischun ans participain a quell’acziun.

En il chantun Grischun datti numerusas purschidas d’agid per persunas pertutgadas. Il tema central “Vias or da la violenza” duai gidar a far pli enconuschentas questas purschidas ed a las duvrar dapli. Savens taschan las persunas pertutgadas per tema u per vargugna. Er tgi che suppona u observa violenza a chasa sa senta savens pers. Ils dis d'acziun servan sco plattafurma per sensibilisar e per dialogar avertamain.

La violenza a chasa ha bleras fassettas e n'enconuscha nagins cunfins, ni en reguard geografic e cultural ni areguard ils conturns socials, las furmas e la dimensiun. Cumpigliadas èn tut las acziuns da violenza corporala, sexuala, psichica u economica che vegnan avant entaifer la famiglia u la chasada ubain tranter conjugalas resp. conjugals u partenarias respectivamain partenaris anteriurs u actuals.

Ulteriuras infurmaziuns: www.gr.ch