Mesemna saira ha la Scola auta da pedagogia dal Grischun undrà diesch da sias collavuraturas e da ses collavuraturs da blers onns ed als ha engrazià per lur fidaivladad e lur engaschi.
Las persunas undradas lavuran dapi 10, 15, 20, 25 u schizunt 30 onns a la scola auta ed ensemen vegnan ellas sin 220 onns experientscha professiunala.
Il rectur, prof. dr. Gian-Paolo Curcio ha undrà en il num da l’entira scola auta la contribuziun preziusa che mintga singula e mintga singul ha prestà per il svilup da la scola auta. Questa attaschadadad da blers onns dat perditga da la confidenza, da l'engaschament e da la visiun communabla da rinforzar e da purtar vinavant la SAP dal Grischun sco instituziun da furmaziun etablida.
Las giubilaras ed ils giubilars
30 onns
Cangemi von Aarburg Francesca, Koller Nicole, Schocher Vera
25 onns
Beer Barbara, Capelli Paolo, Chiavaro-Jörg Petra
20 onns
Caspani Menghini Franca
15 onns
Schmid Karin
10 onns
Jäger Margret, Rajakaruna Dinesh
La Scola auta da pedagogia dal Grischun porscha plazzas attractivas e spazi per il svilup ed il perfecziunament persunal e per contacts. Avais Vus interess da perscrutar, d’instruir, da garantir il manaschi da la scola auta u da prestar servetschs spezialmain per umans giuvens? Lura essas Vus al dretg lieu tar nus. Contribui Vossas fermezzas e daventai part da noss team pluriling.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.