I-Camps

Simplamain programmar…

Il project 'i-CAMPs GR Kids', ch’è vegnì inizià e realisà da la SAP dal Grischun, è era quest onn vegnì cumplettà cun il 'i-CAMPs GR Teacher', in champ per persunas d’instrucziun interessadas e cun experientscha. Quai è in program da furmaziun supplementara per persunas d’instrucziun dal 1., 2. e 3. ciclus en il champ informatica e didactica d’informatica. Durant dus dis han persunas d’instrucziun cun experientscha survegnì materialias d’emprender concretas ed han pudì experimentar co che las cumpetenzas d’informatica e d’ulteriurs roms d’instrucziun pon vegnir colliadas en moda efficazia.

Impressiuns i-CAMPS Teacher

La manadra da project Lilian Ladner descriva la finamira suandantamain: «Sin il nivel da las scolaras e dals scolaras vai persuenter da pussibilitar ad els ed ellas cun agid da dumondas orientadas a la soluziun experientschas positivas en contact cun roboters. En mias lavurs da perscrutaziun èsi numnadamain sa mussà ch'experientschas d'uffants positivas en connex cun tecnica èn autamain signifitgantas cun l'interess per tecnica. Quai punctuescha l'impurtanza da programs da promoziun MINT da scola ed ordvart la scola. Sin il nivel da las persunas d'instrucziun futuras vai persuenter da las scolar e perfecziunar per l'instrucziun da tecnica ed informatica. 

Las scolastas ed ils scolasts survegnan ideas ed impuls co integrar en lur instrucziun incaricas avertas ed effectivas ch'è stattan en stretg connex cun l'ambient dals uffants e che promovan il progress entras far sbagls. La finamira èsi che las persunas d'instrucziun pussibiliteschan tar lur scolaras e lur scolaras experientschas d'uffanza positivas e sveglian l'interess per ils roms da MINT.

L'emna da project da quest onn ha gì il tema «Masterpiece». Ils uffants da la 3. fin la 9. classa han sviluppà novas vias da s'exprimer a moda creativa cun agid dal sustegn da tecnologias modernas e d'entusiasmar auters per lur hobis. A maun da differentas incumbensas d'entrada han els emprendì d'enconuscher il roboter ed il programmar e sviluppà atgnas incumbensas. Sin il nivel 2 han ils participants e las participantas construì per exempel roboters cun sensurs modulars ed acturs èn vegnids programmads cun agid da blocs da text visuals. Lur soluziuns han els preschentà als geniturs, fragliuns ed ulteriuras persunas interessadas il davos di dal camp. 

Las cumpetenzas acquistadas da mintga uffant vegnan nudadas en il pass da cumpetenzas da MINT e èn la basa per far la punt ad ulteriurs projects da promoziun da MINT. Uschia pon las persunas responsablas promover ils participants e las participantas confurm a lur enconuschientschas e prender en mira il proxim pass da svilup.

Las participantas ed ils participants s'occupan cun progress tecnics e sfidas da la societad. Gian-Paolo Curcio, rectur da la SAP dal Grischun punctuescha: «Ina transfurmaziun digitala da success metta l'uman en il center e serva a la societad. Per che questa transfurmaziun umana e digitala possia reussir, dovri ina democratisaziun da la tecnologia. Uschia na resta il programmar da roboters betg mo insatge per in pitschen circul da tecnicistas e tecnicists. Cun ils I-CAMPs GR contribuin nus essenzialmain a questa transfurmaziun umana e digitala ed a la stabilisaziun da l'informatica sco tecnica da cultura en settings da scola ed ordaifer la scola».

Quai din ils participants e las participantas dals i-CAMPS:

• Jasmin Läser, 2. onn da studi da Conters, maina ensemen cun constudents e constudentas il workshop sin nivel 2. Ella descriva ses success d'emprender persunal cun ils suandants pleds: «Jau hai plaschair da pudair intermediar en quest program da promoziun da MINT las abilitads che jau hai emprendì en mia professiun sco electroinstallatura. Adina puspè poss jau profitar da lur knowhow e chat novas vias a la soluziun.»

• Pascale Mir, 2. onn da studi da Fanas, agiunta: «Quai è ina super pussaivladad da rimnar experientschas e d'engrondir mias enconuschientschas. Ed jau emprenda tge ch'i vul dir da surprender responsabladad per ina gruppa e da sa preschentar ensemen cun ils uffants avant in public.»

• Noa, scolar da la 5. classa da Maiavilla, rapporta plain luschezza: «Jau sai ussa co ch'ins di al roboter tge ch'el sto far. Jau poss ussa installar in sensur da distanza e programmar il roboter uschia ch'el po fermar a temp avant in obstachel.»

• Luise Wassertheurer, 2. onn da studi da Cuira, fa il suandant facit: «Jau hai l'emprim dastgà sviluppar, planisar e realisar in workshop ensemen cun il team dal post spezialisà MINT. Qua ma dat segirtad ed jau rimnel en ils i-CAMPs experientschas preziusas per mia lavur futura sco scolasta. Jau hai ussa exempels concrets per incumbensas ch'èn orientadas a problems or dal mund dals scolars e da la scolaras e sai co che jau als/las poss rinforzar en las cumpetenzas da MINT.»

• Thomas Brüniger, electroplanisader e student da Favugn en il 2. onn da studi, stanchel e fitg cuntent: «Per la preparaziun da l'instrucziun hai jau stuì m'occupar anc ina giada intensivamain cun ils cuntegns. Jau sun vegnì conscient che la didactica pretenda bler knowhow e sensibilitad, perquai che la differenziaziun en ina gruppa uffants e participantas e participants è adina puspè ina sfida malgrà mias enconuschientschas professiunalas.»

Impressiuns i-CAMPS Kids