Redactur:a

• Vus redigis contribuziuns sco artitgels spezialisads, reportaschas, intervistas, purtrets, texts per la pagina d’internet, e-newsletters, broschuras etc. e sustegnais redacziunalmain il team marketing e communicaziun durant sia lavur quotidiana
• Vus retschertgais ed intermediais cuntegns da la furmaziun, da la perscrutaziun e dal svilup da la scola auta e preparais temas cumplexs, uschia ch'els èn adequats per ils adressats
• Vus surpigliais la responsabladad per ils cuntegns redacziunals dal rapport annual digital e garantis la qualitad schurnalistica da las contribuziuns
• Vus lectorais texts spezialisads e da communicaziun
• Vus creais cuntegns multifars sco per exempel per communicaziuns a las medias, rapportais davart projects da retschertga, purtretais studentas e students, participantas e participants da scolaziuns e faschais intervistas cun persunas spezialisadas internas ed externas
• Vus sustegnais la direcziun da la scola auta sco era las collavuraturas ed ils collavuraturs dals prorectorats da realisar contribuziuns redacziunalas
• Vus As participais a moda activa al svilup cuntinuant da formats da communicaziun existents sco era da crear novs formats en il team marketing e communicaziun

• Vus avais experientscha da plirs onns sco redactur:a en la communicaziun d’interpresa u en ina chasa editura
• Plaschair dal storytelling e d'ina gronda varietad da texts: da curtas annunzias simplas fin a contribuziuns scientificas cumplexas
• Segirezza en il diever da differents formats da texts schurnalistics
• Abilitad da transmetter cuntegns cumplexs da maniera chapibla ed attractiva
• Diever da la lingua tudestga senza sbagls e cun in bun stil
• Mirveglias e gronda automotivaziun
• En il cas ideal avais Vus gia rimnà experientschas en ina partiziun da communicaziun
• Vastas enconuschientschas generalas sco er interess per temas relevants per la furmaziun, la scienza e la societad
• Plurilinguitad (talian/rumantsch) d’avantatg
• Diplom d’ina scola auta u d’ina scola auta spezialisada

Vus chattais tar nus in’occupaziun motivanta, variada e raschunaivla cun libertad d'acziun en ina scola auta da pedagogia dinamica e trilingua. Nus As purschain cundiziuns d’engaschament modernas ed attractivas ed in ambient da lavur prezius e collegial. Igl As stat a disposiziun ina plazza da lavur attractiva cun ina infrastructura moderna e pussaivladads flexiblas da far homeoffice. L’engaschament sa drizza tenor las directivas chantunalas.