Manadra/manader da project management d’events

• Vus planisais, organisais ed accumpagnais occurrenzas en l’ambient da la scola auta, en spezial: dietas e conferenzas, occurrenzas da perfecziunament, festas da diplom ed occurrenzas per las collavuraturas ed ils collavuraturs

• Vus collavurais stretgamain cun las manadras ed ils manaders da las dietas e dals studis e surpigliais la coordinaziun generala operativa da las occurrenzas, davent da la concepziun a la realisaziun fin a l’elavuraziun ulteriura

• Vus coordinais las interfatschas internas (p. ex. la communicaziun, l’infrastructura, IT) sco er ils partenaris externs e las persunas che prestan in servetsch

• Vus essas la persuna responsabla per la planisaziun e la controlla dal budget da las occurrenzas

• Vus sviluppais vinavant formats d’occurrenzas e purtais atgnas ideas per augmentar la qualitad

• Vus surpigliais pensums administrativs en connex cun l’organisaziun da las occurrenzas

• Scolaziun mercantila u scolaziun en il sectur dal marketing e da la communicaziun 

• Furmaziun supplementara en il sectur management d’events u ina qualificaziun cumparegliabla

• Experientscha en l’organisaziun e la realisaziun d’occurrenzas sco er en la direcziun da projects

• In grond talent d’organisar e coordinar sco er ina moda da lavurar structurada e prospectiva

• In focus orientà als servetschs e plaschair da collavurar cun differentas gruppas da pretensiun

• Ina moda da lavurar independenta, fidada ed orientada a soluziuns

• Bunas enconuschientschas da tudestg; enconuschientschas dad in’ulteriura lingua chantunala èn d’avantatg

Vus chattais tar nus in’occupaziun multifara cun libertad da sviluppar atgnas ideas tematicas en ina scola auta da pedagogia dinamica e trilingua. Vus avais a disposiziun ina plazza da lavur attractiva cun in’infrastructura moderna. L’engaschament sa drizza tenor las directivas chantunalas.