Collavuratur:a emprender ed IA

• Concepir, accumpagnar ed evaluar process da svilup d’instruir e d’emprender, cun il focus sin il diever da l’intelligenza artifiziala en ina cultura da digitalitad
• Sviluppar e realisar purschidas per la furmaziun cuntinuada davart il tema emprender ed instruir en ina cultura da digitalitad
• Manar e moderar workshops, projects da svilup e process da cussegliaziun per sustegnair persunas d’instrucziun, docentas e docents e scolas da tut ils stgalims da furmaziun da concepir ina cultura digitala d’instruir e d’emprender. En il focus stattan concepts didadicts da cuntradas d’emprender, en las qualas èn integradas instruments digitals, applicaziuns dad IA, network e lavur collaborativa
• Cussegliaziun interna dal champ e sustegn en dumondas da la transfurmaziun digitala e dal transfer da resultats dal project en la pratica
• Gidar a concepir iniziativas strategicas en il champ da l’emprender en ina cultura da la digitalitad, inclusiv la colliaziun cun partenarias e partenaris interns ed externs

• Studi universitar terminà (master): u en scienzas d’educaziun/pedagogia cun experientscha, u furmaziun supplementara en il champ da la furmaziun digitala u en in champ spezialisà che sa referescha a la tecnica (p.ex. informatica, matematica) cun experientscha d’instruir e/u experientscha en il svilup da l’instrucziun
• Experientscha en il management da projects, en il cas ideal en in context da scola, scola auta u da la furmaziun da creschids
• Enconuschientschas fundadas da svilups actuals en il champ emprender ed instruir en la cultura da la digitalitad – particularmain davart ils potenzials pedagogics, las sfidas e las pussaivladads per far diever da l’intelligenza artifiziala en process da furmaziun
• Cumpetenza didactica e metodica en settings d’emprender digitals, ibrids sco er orientads a las cumpetenzas
• Auta forza innovativa, fermezza concepziunala e moda da lavurar autonoma ed orientada a las finamiras
• Fermezza communicativa marcanta e plaschair vi da la collavuraziun interdisciplinara
• Fitg bunas enconuschientschas dal tudestg; enconuschientschas d’ina ulteriura lingua chantunala èn d’avantatg

Nus As purschain in'occupaziun multifara cun libertad creativa a l’interfatscha da pedagogia, tecnologia e perscrutaziun – sco era la pussaivladad da gidar a concepir activamain l’avegnir da la cultura d’instruir e d’emprender digitala. Sin Vus spetga ina plazza da lavur attractiva cun in’infrastructura moderna en in team engaschà che lavura da maniera interdisciplinara. L’engaschi succeda tenor las directivas chantunalas.