Cun il MINTmobil en las scolas

La SAP dal Grischun dat novs impuls cun il MINtmobil e punctuescha uschia sia rolla sco pioniera en il chantun Grischun areguard la promoziun da persunas d'instrucziun, scolaras e scolars en ils roms da MINT. Ella visita las classas directamain al lieu.

Cun la promoziun da MINT prenda la Scola auta da pedagogia dal Grischun en mira che persunas d’instrucziun futuras sco era talas cun experientscha enconuschan las novas tecnologias, las san applitgar ed utilisar en l’instrucziun. L'incumbensa promova d'ina vart las enconuschientschas dal rom e da l'autra vart ils uschenumnads skills dal futur sco per exempel cooperaziun, communicaziun, creativitad ed il pensar critic. La scola auta è vegnida premiada da la Scola politecnica federala (SPF) per sias prestaziuns en l'instrucziun dals roms da MINT.

Docentas e docentas e persunas d'instrucziun cun experientscha dal team da MINT nizzegian l'informatica e mussan a las persunas d'instrucziun a basa dad ambients d'emprender ch'èn datiers al mintgadi, concrets ed interessants co ch'els tegnan quint a la pretensiun d'intermediar ils cuntegns dal plan dal modul medias ed informatica cun integrar ils differents roms.

Las purschidas dal MINTmobil sa basan sin l'integraziun dad uschenumnads «educational robots». Durant la visita vegnan las persunas d'instrucziun, ils uffants ed il giuvenils scolads a moda separada in mez di (scolina), resp. in di (scola primara). Duas persunas dal team da MINT accumpognan las persunas d'instrucziun en in setting 1:1 avant lieu.

Entant ch'ina persuna focussescha cun ils uffants in project concret, lavura l'autra cun la persuna d'instrucziun. Ina scolaziun areguard ils differents 'educational robots' tutga medemamain vitiers sco era ina preschentaziun d'ideas concretas per la cuntinuaziun da la lavur sin il stgalim avisà. La documentaziun dal process da lavur tras las scolaras ed ils scolars succeda davent da l'emprima primara cun agid da tools digitals.

La scolaziun vegn adattada a moda individuala tut tenor la presavida da la persuna d'instrucziun e da la classa. Ella è adattada per persunas cun in'affinitad per informatica e talas che vulan anc sviluppar questa affinitad u simplamain per persunas ch'èn plain mirveglias. I dat cuntegns per tut ils trais ciclus.

Custs

Il curs dal di custa 500 francs.

Ils 'educational robots' pon vegnir emprestads ordaifer il project per duas emnas cun pajar ina contribuziun a las spesas.

Giulia (Il MINTmobil or da vista d'ina scolara)

Andy (Il MINTmobil or da vista d'in manader da scola)

Pascal (Il MINTmobil or da vista d'in docent dal team da MINT)

Seraina (Il MINTmobil or da vista d'ina persuna d'instrucziun)

Ulteriuras purschidas dal post spezialisà da MINT

MINTfabbrica: da l'idea al product
MINTfocus: ciclus da referats cun ideas per la realisaziun da temas da MINT
Emna da MINT dal Grischun (MINT-CAMPs GR): Uschia funcziuna ina firma. Scolaras e scolars vivan durant in'emna in ad in aspects dal mund da lavur.
i-CAMPs GR Teacher: ina purschida da furmaziun supplementara per persunas d'instrucziun dal 1., 2. e 3. ciclus en il champ informatica e didactica d'informatica

Center da MINT

Cun la promoziun da MINT prenda la Scola auta da pedagogia dal Grischun en mira che persunas d’instrucziun futuras sco era talas cun experientscha enconuschan las novas tecnologias, las san applitgar ed utilisar en l’instrucziun. Las scolastas ed ils scolasts vegnan entusiasmads per cuntegns da MINT ed acquistan abilitads da promover questas cumpetenzas da lur scolaras e scolars.

ulteriuras infurmaziuns

Furmaziuns supplementaras per persunas d'instrucziun

Las persunas d'instrucziun pon agir suenter la scolaziun sco multiplicaturas en la chasa da scola ed absolver en cas d'interess il CAS 'Furmaziun en la midada digitala'.