A tgi sa drizza la purschida?
Nossa purschida d'agid per far ils pensums sa drizza a tut las scolaras ed il scolars da la scola primara e secundara a partir da la 1. classa.
Agid per far ils pensums
Ha Voss uffant bregias da far persul ils pensums u difficultads cun grammatica, matematica u geometria? Tut las famiglias che tschertgan per lur uffants sustegn da far ils pensums, chattan a la SAP dal Grischun il dretg post da consultaziun.
Studentas e students sustegnan uffants e giuvenils
Nus intermediain studentas e students a famiglias. Las persuna d’instrucziun futuras fan ensemen cun ils uffants e giuvenils ils pensums ed als preparan da maniera optimala sin ils proxims examens – individualmain ed effectivamain.
Accumpagnament individual da scolaras e scolars
Ils motivs pertge ch'insatgi fa diever da l’agid per far ils pensums da la SAP dal Grischun èn differents. Ha Voss uffant fadia cun matematica u cun emprender ina lingua, dovra el ulteriur sustegn en NUS u ha el in examen impurtant? Nossas studentas e noss students gidan ils uffants ed ils giuvenils da far lur pensums cun in agid individual e als motiveschan da schliar lur incumbensas.
Da quai na profitan betg mo ils uffants ed ils giuvenils, mabain era las studentas ed ils students. Ellas ed els san uschia applitgar lur enconuschientschas en la pratica e rimnar emprimas experientschas professiunalas.
Chaussas impurtantas da savair davart la purschida d’agid per far ils pensums da la SAP dal Grischun
Cuntegn e dimensiun
Il cuntegn ed il dumber da las uras da sustegn vegnan definids communablamain cun ils geniturs.
Roms
Tenor Plan d'instrucziun 21
Linugas d'instrucziun
Tudestg, rumantsch, talian
Nua han lieu las lecziuns supplementaras?
Ils uffants emprenden il meglier là nua ch'els sa sentan bain. Las suandatas pussaivladads stattan a disposiziun:
- en l'ambient d'emprender usità
- lecziuns online via Teams
Il lieu d'emprender vegn definì ensemen cun ils geniturs e l'uffant.
Cura han lieu las lecziuns supplementaras?
Ils temps exacts vegnan fixads individualmain tranter ils geniturs e las studentas ed ils students.
- sera
- suentermezdis libers
- durant las fins d'emna
- durant las vacanzas da scola
Custs
Cunvegna individuala tranter la famiglia e la studenta u il student.
Pretsch directiv: 27 francs per ura
La studenta fa quai da maniera geniala. Ella sa mussar fitg bain la materia a noss figl. Ella è communicativa e fitg gidaivla. Nus sperain ch’ella restia anc ditg! Nus essan fitg cuntents e jau sun da l’opiniun che scolasta è la dretga professiun per ella. Grazia per questa purschida; nus essan fitg engraziaivels.
Contact
