Durant l’emna da MINT dal Grischun vegnan uffants e giuvenils instruids en ils differents lieus da las interpresas sco er a la Scola auta da pedagogia da studentas e students da la SAP dal Grischun e d’emprendistas e d'emprendists dals manaschis d’emprendissadi correspundents ed introducids en il mund da la tecnica. La mesadad da las plazzas è mintgamai reservada per mattas.
Adina l’atun entusiasmescha la SAP dal Grischun – en collavuraziun cun var 16 interpresas grischunas – scolaras e scolars da la 3. fin 6. classa – per activitads tecnicas. L’interess per MINT dals uffants e giuvenils vegn uschia sveglià en moda multifara tras experientschas praticas.
Durant l’emna da MINT dal Grischun, che ha lieu mintg’onn durant las vacanzas d’atun, han scolaras e scolars da la 3. fin 6. classa la pussaivladad da scuvrir temas da MINT a maun d’incumbensas praticas or da lur ambient da viver. Tras l’instrucziun da las emprendistas e dals emprendists da las firmas participadas e da las studentas e dals students da la SAP dal Grischun experimenteschan els activitads sco marclar, resgiar, programmar, construir e lutegiar. A la fin da quest’emna pon els sa legrar sin in toc en elavuraziun ch'els han realisà sezs e preschentar quel a lur geniturs ed a persunas interessadas.
En spezial èsi da punctuar che la mesadad da las plazzas è reservada per mattas. L’emna da MINT dal Grischun s’engascha intenziunadamain d’entusiasmar mattas per tecnica (e per scienzas natiralas?). Cun questa promoziun intenziunada duain las mattas vegnir encuraschadas da scuvrir ed amplifitgar lur abilitads en quest champ.
L’emna da MINT dal Grischun ha lieu en differents manaschis d’emprendissadi en il chantun. A la SAP dal Grischun programmeschan las participantas ed ils participants roboters che ston schliar incumbensas specificas da las firmas participadas. En quest connex vegnan utilisadas plazzas da gieu ch’èn vegnidas sviluppadas communablamain.
L'emna grischuna da MINT creescha ina colliaziun tranter l’economia e la scola. Emprendistas ed emprendists d’interpresas grischunas collavuran stretgamain cun studentas e students da la SAP dal Grischun. Ensemen entusiasmeschan els uffants e giuvenils per las activitads praticas ed instrueschan las scolaras ed ils scolars en ils manaschis al lieu.
En il rom da questa cooperaziun amplifitgeschan las persunas d’instrucziun vegnintas lur savida dal rom, da la didactica e da la pedagogia tras experientschas praticas. A medem temp dattan las emprendistas ed ils emprendists dals manaschis vinavant lur savida acquistada a las participantas ed als participants giuvens sco er a las persunas d’instrucziun futuras.
Quai che ha cumenzà l’onn 2014 cun 24 uffants e giuvenils tar la Ems Chemie SA a Domat, è oz ina istorgia da success. Suenter diesch onns emna da MINT dal Grischun (MINT-CAMPs GR) sa participeschan 16 firmas al project e nus pudain beneventar mintg’onn var 200 uffants e giuvenils. Involvids èn mintgamai circa 35 fin 40 persunas d'instrucziun futuras (studentas e students) e bleras emprendistas e blers emprendists sco er expertas ed experts da las interpresas grischunas.
Emprendistas ed emprendists d’interpresas grischunas collavuran stretgamain cun studentas e students da la SAP dal Grischun e cun persunas d'instrucziun cun experientscha. Els entusiasmeschan uffants e giuvenils per lavurs praticas sco marclar, programmar u construir ed instrueschan els communablamain en il manaschi al lieu. Las persunas d’instrucziun vegnintas e cun experientscha engrondeschan tra la collavuraziun e las experientschas praticas lur enconuschientschas dal rom, da la didactica sco era da la pedagogia.
L’iniziativa promova il barat tranter la furmaziun e l’economia e sveglia l’interess da la generaziun giuvna per ils roms da MINT.
Cun noss program da promoziun emna da MINT dal Grischun e cun ils inscunters 1:1 en las interpresas entusiasmain nus persunas d’instrucziun futuras e cun experientscha per ils cuntegns da MINT e svegliain lur interess. En cooperaziun cun las expertas ed ils experts al lieu sviluppan las studentas ed ils students lur enconuschientschas dal rom, da la didactica dal rom e d’enconuschientschas pedagogicas-psicologicas. Quai è d’impurtanza centrala per ina persuna d’instrucziun ch’agescha professiunalmain.
Essas Vus ina interpresa domiciliada en il Grischun che scolescha emprendistas ed emprendists e che vuless entusiasmar uffants e giuvenils per tecnica? Lura As annunziai tar nus e faschai part da l'emna da MINT dal Grischun!
Contact:
Scola auta da pedagogia dal Grischun
Lilian Ladner, manadra dal post spezialisà MINT
Cun la purschida pledentain nus tut las scolaras e tut ils scolars dal stgalim primar ed als pussibilitain ina nova perspectiva areguard ils roms da MINT en scola e lur applicaziun en l’economia. Sche la mancanza da spezialistas e da spezialists en il chantun Grischun duai vegnir prendida per mauns, dovri dentant ina iniziativa pli vasta coordinada tematicamain cun purschidas supplementaras e cun resguardar sche pussaivel tut ils stgalims da furmaziun e l'economia.
Cun las emnas da MINT dal Grischun che la SAP dal Grischun organisescha dapi 10 onns, collia ed entusiasmescha ella nossa generaziun giuvna da spezialistas e spezialists, las studentas ed ils students sco era nossas emprendistas e noss emprendists – ina vaira istorgia da success.
Per mai è la SAP dal Grischun sin la dretga via ed è sa sviluppada ad in institut da scolaziun prezius per futuras scolastas e futurs scolasts. Gist en connex cun projects da MINT è la SAP dal Grischun dada en egl a moda fitg positiva.
EMS-CHEMIE darf mit der PH Graubünden bereits jahrzehntelang eine enge und intensive Zusammenarbeit pflegen und u. a. jährlich die Bündner MINT-Wochen mit Studierenden der PH Graubünden auf unserem Werkplatz Domat/Ems durchführen. Dafür möchten wir uns herzlich bedanken. Wir freuen uns, diese kooperative Zusammenarbeit weiterzuführen. Durant decennis mantegna l'EMS-CHEMIE ina stretga ed intensiva collavuraziun cun la SAP dal Grischun e dastga realisar mintg'onn las emnas da MINT dal Grischun cun studentas e students da la SAP dal Grischun sin nossa plazza da lavur a Domat. Nus ans vulain engraziar cordialmain per quai ed ans legrain da cuntinuar questa collavuraziun cooperativa.
Cun la promoziun da MINT prenda la Scola auta da pedagogia dal Grischun en mira che persunas d’instrucziun futuras sco era talas cun experientscha enconuschan las novas tecnologias, las san applitgar ed utilisar en l’instrucziun. Las scolastas ed ils scolasts vegnan entusiasmads per cuntegns da MINT ed acquistan abilitads da promover questas cumpetenzas da lur scolaras e scolars.
ulteriuras infurmaziuns
La Scola auta da pedagogia dal Grischun nizzegia la midada digitala per la furmaziun, spezialmain per ils champs matematica, informatica, scienzas natiralas e tecnica. Las enconuschientschas da la perscrutaziun e dal svilup dal rom e da la didactica dal rom sco era da las cooperaziuns cun scolas ed economia stattan en il center. La finamira è da scolar persunas d’instrucziun cumpetentas e conscientas da la responsabladad, da las perfecziunar e da las colliar ina cun l’autra.
ulteriuras infurmaziuns
Wissenschaftliche Mitarbeiterin III, als Leiterin MINT
Ihr Browser (IE 11) ist leider zu alt und wird nicht mehr unterstützt.