Fanestra d'annunzia: 01-02 - 15-03-2026

Studi da master
Pedagogia curativa da scola

Pedagogas e pedagogs curativs da scola instrueschan, accumpognan e promovan scolaras e scolars cun basegns da furmaziun spezials. En quest connex collavuran els stretgamain cun persunas d’instrucziun, cun expertas ed experts e cun geniturs. Il studi da master collia svilups actuals da la pratica cun enconuschientschas scientificas.

Cumenzament

settember e favrer

Durada

4-12 semesters (cumplementar a la professiun)

Lingua

tudestg

Dimensiun

90 puncts ECTS

Taxa da semester

CHF 720.-

La SAP dal Grischun e la HfH porschan

accents tematics individuals
in studi orientà als basegns ed a las pretensiuns da la pratica
in studi flexibel areguard il temp
in program da studi decentral a Cuira
ina furmaziun cuntinuada: frequentar moduls dal studi da master sco furmaziun supplementara

Vus avais

in diplom d’instrucziun per classas normalas: scolina, scola primara, stgalim secundar (renconuschì da la CDEP)
experientscha professiunala pedagogica: nus recumandain fin l’ultim termin d’annunzia in onn experientscha professiunala (instrucziun)

Master Pedagogia curativa da scola: purschida da studis a Cuira

La SAPGR e la Scola auta interchantunala per pedagogia curativa Turitg porschan en cooperaziun in studi en moduls a Cuira. Quai As porscha pussaivladads flexiblas da concepir il studi da master Pedagogia curativa da scola.

Sin mesira: In studi che qualifitgescha per la professiun. Il studi da master Pedagogia curativa da scola, che qualifitgescha per la professiun, s'orientescha als basegns ed a las pretensiuns da la pratica. El resguarda svilups dinamics en il champ e tegna quint da quels cun bleras pussaivladads da concepir individualmain il studi.

Ulteriuras infurmaziuns davart las purschidas dal studi da master Pedagogia curativa da scola chattais Vus sin la pagina d'internet da la HfH.

Purschida da moduls a Cuira

Semester d'atun

Semester da primavaira

Gievgia 8.30 uras - 12.00 uras

Gievgia 13.00 uras– 16.30 uras

Venderdi 8.30 uras - 12.00 uras

Venderdi 13.00 uras - 16.00 uras

BP5_01.1 Berufspraxis I,
BP5_02 Portfolio – Kurs 1
P3_01 Inklusive Didaktik unter heilpädagogischer Perspektive

BP5_01.2 Berufspraxis II
BP5_02 Portfolio – Kurs 2
WP2_02.1 Heilpädagogik im Bereich sozial-emotionale Entwicklung und Verhalten I
WP3_02 Mathematik bei besonderem Bildungsbedarf

M5_03 Masterarbeit
P1_02 Diagnostik, Förderung und Partizipation bei besonderem Bildungsbedarf

WP2_01.1 Heilpädagogik im Bereich Lernen. Lernschwierigkeiten

Gievgia 8.30 uras- 12.00 uras

Gievgia 13.00 uras - 16.30 uras

Venderdi 8.30 uras - 12.00 uras

Venderdi 13.00 uras - 16.30 uras

BP5_01.3 Berufspraxis III
BP5_02 Portfolio – Kurs 3
P4_01 Schulische Heilpädagogik im Schweizer Bildungssystem

WP2_02.2 Heilpädagogik im Bereich sozial-emotionale Entwicklung und Verhalten II

M5_03 Masterarbeit
P1_01 Grundfragen der Heilpädagogik

WP2_01.2 Heilpädagogik im Bereich Lernen. Inklusionssensible Lehr- und Lernsituationen

Purschidas da perfecziunaments en il model da carriera

Il studi da master Pedagogia curativa da scola porscha ina gronda varietad da moduls tematics che stattan a disposiziun per concepir Vossa carriera da maniera individuala. Vus savais sclerir en in context scientific dumondas da Vossa pratica da mintgadi ensemen cun studentas e students da master e docentas e docents e las realisar datiers da la pratica. Voss avantatgs èn la flexibilitad da temp, l’approfundaziun da Vossas cumpetenzas en il champ professiunal da la pedagogia curativa, la renconuschientscha dals moduls cun absolver il studi da master sco er enconuschientschas dal rom scientificas ed actualas cun connex pratic. Avain nus sveglià Vossas mirveglias?

Moduls sco furmaziun supplementara
Suenter Voss diplom d’instrucziun u in diplom equivalent avais Vus la pussaivladad da frequentar sco participanta u sco participant da la furmaziun supplementara tscherts moduls ensemen cun studentas e students dal studi da master Pedagogia curativa da scola. Quai As permetta d’extender cuntinuadamain Vossas cumpetenzas pedagogicas cun cumpetenzas fundamentalas en champs parzials da la pedagogia curativa da scola. Per quest intent As stattan a disposiziun moduls als lieus Turitg e Cuira.
La purschida actuala è da chattar sin la pagina da la HfH.

CAS
Sche Vus preferis purschidas certifitgantas per Vossa planisaziun da carriera empè da frequentar singuls moduls, As pudain nus er avrir pussaivladads per far quai. In CAS en il model da carriera consista da dus moduls dal master Pedagogia curativa da scola sco er d’in terz modul specific CAS. Nossas carrieras da CAS da l’emprima fasa da la furmaziun supplementara As purschain nus tant a Turitg sco er a Cuira.

Renconuschientscha dal studi da master Pedagogia curativa da scola
Sche Vus As decidais pli tard da far in studi da master, As vegnan mess a quint ils moduls frequentads en la dimensiun da maximalmain 20 puncts ECTS. Exceptà è il modul specific CAS.

Annunzia
Las fanestras d'annunzia actualas èn da chattar sin la pagina da la HfH.

Acquistar da maniera flexibla enconuschientschas da la pedagogia curativa

Dapi onns regna ina mancanza da spezialistas e spezialists en la pedagogia curativa. La flexibilisaziun da la scolaziun pudess esser in’idea da soluziun. A la maisa radunda da la HfH dals 2 d'avrigl 2022 èn vegnidas discutadas las pussaivladads ed ils cunfins dal model da carriera.