Il studi da master Pedagogia curativa da scola porscha ina gronda varietad da moduls tematics che stattan a disposiziun per concepir Vossa carriera da maniera individuala. Vus savais sclerir en in context scientific dumondas da Vossa pratica da mintgadi ensemen cun studentas e students da master e docentas e docents e las realisar datiers da la pratica. Voss avantatgs èn la flexibilitad da temp, l’approfundaziun da Vossas cumpetenzas en il champ professiunal da la pedagogia curativa, la renconuschientscha dals moduls cun absolver il studi da master sco er enconuschientschas dal rom scientificas ed actualas cun connex pratic. Avain nus sveglià Vossas mirveglias?
Moduls sco furmaziun supplementara
Suenter Voss diplom d’instrucziun u in diplom equivalent avais Vus la pussaivladad da frequentar sco participanta u sco participant da la furmaziun supplementara tscherts moduls ensemen cun studentas e students dal studi da master Pedagogia curativa da scola. Quai As permetta d’extender cuntinuadamain Vossas cumpetenzas pedagogicas cun cumpetenzas fundamentalas en champs parzials da la pedagogia curativa da scola. Per quest intent As stattan a disposiziun moduls als lieus Turitg e Cuira.
Moduls sco furmaziun supplementara a Cuira:
Semester d’atun:
- Inklusive Didaktik unter heilpädagogischer Perspektive. Lernen und Partizipation in Sprache und Mathematik (gievgia avantmezdi)
- Diagnostik, Förderung und Partizipation bei besonderem Bildungsbedarf (venderdi avantmezdi)
- Heilpädagogik im Bereich sozial-emotionale Entwicklung und Verhalten I (gievgia suentermezdi)
- Heilpädagogik im Bereich Lernen: Lernschwierigkeiten (venderdi suentermezdi)
CAS
Sche Vus preferis purschidas certifitgantas per Vossa planisaziun da carriera empè da frequentar singuls moduls, As pudain nus er avrir pussaivladads per far quai. In CAS en il model da carriera consista da dus moduls dal master Pedagogia curativa da scola sco er d’in terz modul specific CAS. Nossas carrieras da CAS da l’emprima fasa da la furmaziun supplementara As purschain nus tant a Turitg sco er a Cuira.
Renconuschientscha dal studi da master Pedagogia curativa da scola
Sche Vus As decidais pli tard da far in studi da master, As vegnan mess a quint ils moduls frequentads en la dimensiun da maximalmain 20 puncts ECTS. Exceptà è il modul specific CAS.
Annunzia
- Moduls da carriera semester d'atun: mintgamai il 1. d’avrigl - la fin da l’emna dal chalender 23
- Moduls da carriera semester da primavaira: mintgamai il 1. d'avrigl - fin da l’emna dal chalender 47
Infurmaziuns detagliadas era davart l’annunzia chattais Vus sin la pagina d'internet da la HfH.
