La Scola auta da pedagogia dal Grischun (SAPGR) na scolescha betg mo persunas d'instrucziun, mabain s'engascha er activamain per la furmaziun professiunala. Ina giada l'onn envida ella giuvenils ad in di da fufragnar en las differentas professiuns. Mez avrigl èsi puspè stà uschè lunsch.
Cun 14 u 15 onns ston giuvenils en Svizra ponderar tge ch'els vulan far suenter il stgalim superiur. La schelta da professiuns e pussaivladads è gronda. Tenor il barometer da la transiziun 2024 tscherna la gronda part ina furmaziun professiunala da basa. La segunda preferenza èn scolas da maturitad e scolas medias spezialisadas, suandà da soluziuns intermediaras en furma d'in onn intermediar u en furma da furmaziuns transitoricas.
La SAP dal Grischun sustegna giuvenils tar la tscherna da la professiun e porscha mintg'onn in di da fufragnar. 15 giuvenils han profità da la chaschun d’emprender ad enconuscher quatter differentas professiuns d’emprim maun. Durant quest di han els rimnà experientschas praticas, discurrì cun emprendistas ed emprendists ed èn sa barattads cun persunas responsablas per la furmaziun professiunala.
Las aspectativas dals giuvenils sajan differentas, di Christina Zoanni, manadra da persunal a la SAP dal Grischun. «Var la mesadad da las participantas e dals participants vegn cun cleras ideas tge ch’els vulan far suenter la scola superiura. Cun sa participar tschertgan ellas ed els anc ina conferma per lur tscherna da la professiun. L'autra mesadad dals participants e da las participantas è anc indecisa e vul profitar da la chaschun d'emprender d'enconuscher pli detagliadamain differentas professiuns. Per omaduas gruppas porscha l'occurrenza impuls prezius.»
Ils giuvenils pon emprender d'enconuscher las suandantas professiuns:
Spezialmain las professiuns d'informatica han puspè sveglià grond interess.
Interessentas ed interessents pon s'annunziar per ina plazza d'emprendissadi a partir da la stad 2026 en las suandantas professiuns:
Dapli infurmaziuns sut phgr.ch/furmaziun professiunala
Far l’emprendissadi a la Scola auta da pedagogia dal Grischun? Natiralmain va quai! Tar nus na savais Vus betg be sa scolar e sa perfecziunar sco persuna d’instrucziun, dentant er absolver in emprendissadi en trais differentas professiuns.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.