A la SAP dal Grischun han tut en tut 607 studentas e students cumenzà il semester d’atun 2024. Il pli dumandà è anc adina il studi da bachelor per daventar persuna d’instrucziun dal stgalim primar. Il studi da master per daventar persuna d’instrucziun dal stgalim secundar I sco era stgalim secundar I e scolas da maturitad survegn adina dapli impurtanza.
L’interess per in studi a la SAP dal Grischun per daventar persuna d’instrucziun resta sin in aut nivel. En tut cumenzan 607 studentas e students il semester d’atun 2024. La purschida da studi attractiva cumpiglia tant studis a temp cumplain sco era studis a temp parzial e chatta uschia ina gronda resonanza.
En ils studis da bachelor studegian totalmain 470 studentas e students. Tut ensemen han 140 studentas e students cumenzà l’emprim semester. 110 da quels il studi Scola primara e 30 il studi Scolina e scola primara. Quai che pertutga la repartiziun da las linguas datti cun 101 studentas e students da lingua tudestga, 13 da lingua rumantscha e 26 da lingua taliana ina gronda constanza cumpareglià cun ils davos onns.
En ils studis da master han cumenzà totalmain 17 studentas e students lur studi sco persunas d’instrucziun dal stgalim secundar I sco era dal stgalim secundar I e da las scolas da maturitad. En quest studi da master consecutiv, introducì l’onn 2022, studegian pia totalmain 47 studentas e students.
La SAP dal Grischun porscha plinavant dus studis da master consecutivs en cooperaziun cun la Scola auta interchantunala per pedagogia curativa (HfH) e cun la SAP da Son Gagl. En il studi Pedagogia curativa da scola (SHP) pon vegnir recepids trais onns en successiun mintgamai 25 studentas e students. Il studi supplementar per acquistar la qualificaziun d’instruir per ulteriurs onns da scola (stgalim supplementar Sec I) frequentan actualmain 15 persunas d’instrucziun dal stgalim primar.
Il rectur Gian-Paolo Curcio sa legra da la gronda dumonda e da l’interess per la professiun da scolasta e scolast e particularmain per il studi a la SAP dal Grischun:
Per il svilup da la societad èsi fitg impurtant d’avair avunda persunas d’instrucziun ch’ageschan da maniera professiunala. Cun nossa purschida da studis attractiva creain nus ina gronda resonanza e contribuin fermamain da chattar dapli persunas d'instrucziun en las singulas vischnancas da scola dal chantun Grischun e dals chantuns vischinants.
Vulais Vus promover ed accumpagnar uffants da la scolina fin en la 2. classa? Sco persuna d’instrucziun gidais Vus ils uffants da sa sviluppar tenor lur preferenzas. A la Scola auta da pedagogia dal Grischun emprendais Vus co elavurar cuntegns da maniera didactica e co stgaffir in’atmosfera positiva en stanza da scola.
ulteriuras infurmaziuns
Sco scolast/a dal stgalim primar instruis Vus uffants da l’emprima fin sisavla classa. Vus stgaffis chaschuns d’emprender cun las qualas las scolaras ed ils scolars pon sa sviluppar da maniera optimala. La Scola auta da pedagogia As prepara sin l’instrucziun en tut ils roms dal plan d’instrucziun e pussibilitescha d’applitgar models teoretics da maniera pratica.
ulteriuras infurmaziuns
Sco scolast:a sin il stgalim secundar I preparais Vus giuvenils per lur futur. In stgalim supplementar per il stgalim secundar I cuntanschais Vus sco persuna d'instrucziun dal stgalim primar cun in studi da trais onns a temp parzial. Il studi cumenza mintga 3 onns, in'eventuala realisaziun l'atun 2026 è anc averta. Per ulteriuras infurmaziuns As contactai per plaschair la direcziun dal studi.
ulteriuras infurmaziuns
Sco scolast:a sin il stgalim secundar I preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara.
ulteriuras infurmaziuns
Sco scolast:a sin il stgalim secundar I e scolas da maturitad preparais Vus giuvenils per lur futur. Questa professiun pretensiusa cuntanschais Vus cun in studi da trais onns a temp parzial a la Scola auta da pedagogia. In program variant cun ina gronda cumpart da didactica dal rom e da pratica professiunala As spetga. La furmaziun è fitg individualisada ed As qualifitgescha d’instruir en ina scola reala u secundara sco er en scolas da maturitad.
ulteriuras infurmaziuns
Pedagogas e pedagogs curativs da scola instrueschan, accumpognan e promovan scolaras e scolars cun basegns da furmaziun spezials. En quest connex collavuran els stretgamain cun persunas d’instrucziun, cun expertas ed experts e cun geniturs. Il studi da master collia svilups actuals da la pratica cun enconuschientschas scientificas.
ulteriuras infurmaziuns
Ihr Browser (IE 11) ist leider zu alt und wird nicht mehr unterstützt.