Moviment e sport

Il raiver sportiv stat per diversitad e varietad
I raiver sportiv trenescha dad ina vart facturs da cundiziun sco forza, perseveranza e movibladad, da l’autra vart er abilitads coordinativas sco equiliber, reacziun, orientaziun, differenziaziun e ritmisaziun.
Raiver n’è betg mo ina sfida en il sectur fisic, mabain pretenda er ina preschientscha cognitiva ed ina buna tactica en connex cun la schelta da la ruta. Gist uschè impurtantas èn las premissas psichicas sco p.ex. il s’occupar cun temas e ristgas u il cumprovar fermezza mentala.
Sin la basa sociala èn dumandadas buna collavuraziun, fidanza vicendaivla absoluta e reliabilitad.
Tgi vul schon sa laschar en sin ina squadra da suga che na dispona betg da questas qualitads?
Quellas explicaziuns dal sport "raiver" mussan in purtret exact da la gruppa dals secturs da rom moviment e sport.
Nus ans vesain sco intermediaturs dal sport en sia entira diversitad e fascinaziun. Nus nizzegiain sport sco medium per instruir l’uman a moda cumplessiva.

-> Team moviment e sport

Moduls en il studi S

• Coordinar, prestar e giugar
• Experimentar e ristgar / moviment en l’aua
• Saut, improvisaziun e furmas tradiziunalas
• Scuvrir spazis da moviment en il liber

Moduls en il studi SP

• Encletga dal rom e da l’instruir
• Emprender ed instruir en differents spazis da moviment
• Furmas da gieu e da preschentaziun

-> Ulteriuras infurmaziuns chattais Vus en il plan da studis da basa.