Documents

Manuals
En il manual vegnan nudads tar mintga praticum ils accents e las finamiras correspundentas. El descriva co ch'il praticum è organisà e tge incumbensas che tutgan a las persunas involvidas. 

Carnet d’elements
En il carnet d’elements èn descrits ils standards da scolaziun e las cumpetenzas cun agid da cumpetenzas parzialas concretas e realisablas che servan a l’observaziun, il feedback e la reflexiun. Il carnet d’elements stgaffescha ina buna basa per las studentas/ils students e las/als sustegna da metter accents durant il praticum e da lavurar a moda conscienta e sistematica vi dal svilup da cumpetenzas d’agir ch’èn relevantas per la professiun. 

Portfolio
En il portfolio documenteschan e reflecteschan las studentas/ils students sin basa dal carnet d’elements la lavur vi da las cumpetenzas elegidas, lur svilups persunals ed il nivel da lur savida professiunala e collian lur experientschas praticas ed enconuschientschas cun la teoria. Il manual lavurar cun il porfolio descriva las incumbensas correspundentas da las studentas/dals students.

Directivas mez di d'examen en connex cun il praticum da diplom
Cun las directivas vegn reglà il decurs dal mez di d’examen en connex cun il praticum da diplom. En il praticum da trais emnas a la fin dal 6. ed ultim semester da scolaziun ston e pon las studentas/ils students mussar ch’ellas/ch’els han cuntanschì durant lur studi cumpetenzas multifaras e relevantas per la professiun.

Instruments da valitaziun
Per la valitaziun formativa durant e la valitaziun summativa a la fin dal praticum stattan a disposiziun a las persunas d’instrucziun da la pratica instruments da valitaziun.

Instruments da planisaziun
Il manual planisaziun da l’instrucziun porscha in agid per la planisaziun professiunala da l’instrucziun. El dat ina basa communabla per la collavuraziun tranter tut ils pertutgads en vista a la planisaziun da l’instrucziun en ils praticums. Tut ils instruments da planisaziun liants vegnan descrits e preschentads.

Charta FPP
Sco basa per la cooperaziun tranter las persunas d’instrucziun da la pratica e las menturas ed ils menturs è vegnida elavurada en il rom da dietas communablas la Charta FPP en il senn d’ina decleraziun d’intenziun. Il document vala a pli lunga vista e serva sco agid d’orientaziun tar la collavuraziun.

Concept FPP
Quest document descriva la concepziun da la furmaziun da la pratica professiunala en ses elements ed en survista. El sa drizza a tuts che vulan sa far in maletg da las structuras (organisaziun, process, cuntegns etc.) da la FPP. Plinavant è il document ina basa per process da svilup e da decisiun e per ils differents documents ed instruments utilisads en la FPP.

Directivas davart la furmaziun pratica professiunala
Cun las directivas vegnan regladas ils fatgs e las particularitads en la furmaziun da la pratica professiunala, sco las responsabladads, surpigliada dals custs, repartiziuns da las plazzas da praticum, proceder en cas da conflict euv.

Directivas concernent la preschientscha durant la furmaziun
Las directivas reglan il proceder en cas d’absenza/malsogna da studentas e students durant la furmaziun a la SAPGR. Spezialmain relevant per la furmaziun da la pratica professiunala è art. 3 che pertutga absenzas durant ils praticums.