Furmaziun da la pratica professiunala

La furmaziun da la pratica professiunala (FPP) furma ina part impurtanta da la scolaziun da basa e sa cumpona da las emnas da studi da la pratica professiunala sco er da las emnas da pratica en ina scola primara u en ina scolina. La gronda part dals lieus da praticum èn scolas e scolinas da cooperaziun. La furmaziun da la pratica professiunala da las studentas/dals students en ils studis scolina e stgalim primar dat totalmain 47 puncts ECTS.

Ils suandants puncts fan part da la furmaziun:

• ateliers dad in di durant l’emprim semester
• mintgamai in praticum a la fin dal segund e terz semester inclus l’emna da studi da la pratica professiunala
• il semester da la pratica professiunala (SPP) durant il 5avel semester inclus las emnas da studi da la pratica professiunala
• il praticum da diplom cun emna da studi da la pratica professiunala preparatorica

La collavuraziun da docentas/docents en funcziun da menturas/menturs, da persunas d’instrucziun da la pratica e da studentas/students sco er l’utilisaziun d’instruments specifics (cfr. manuals, carnet d’elements, pass da cumpetenzas) pussibilitescha a las studentas/als students d’agir entaifer l’entir champ professiunal adequatamain a la situaziun sco er d’adina far dapli la punt tranter la basa scientifica e la pratica.